O’sha vaqt oralig’i kechagidek yodimda – men analitik lavozimiga hujjat topshirgandim, ammo meni tariflar, aksiyalar va xizmatlarni ishlab chiqish bo’yicha mutaxassis sifatida olishdi. O’sha paytda menga marketing sohasiga kirish muhimroq edi, lavozim masalasi ikkinchi darajali edi. Menga xalqaro kompaniyada ishlash zo’r va obro’li tuyulardi va yillar o’tib bu fikrim yanada mustahkamlandi.

Ucell’dagi birinchi yilimda men hamma narsani o’rgandim. Malakali va do’stona jamoa tufayli o’rganish jarayoni tez va malakali o’tdi. Ikkinchi yilimda men fikrlar yaratib ularni amalda qo’llashni boshladim. Keyinchalik men iste’molchilar va mahsulotlarni farqlashni o’rgandim va rahbariyatga hisobotlar va taqdimotlar qilishni boshladim. Har yili o’sishdan to’xtamadim, bularning barchasi treninglar, seminarlar va turli xil davlatlardagi biznes tarmoqlar bilan hamkorlik qilish davomida orttirilgan xalqaro tajriba sharofati bilan amalga oshdi.

Karyera bo’yicha ko’tarilishda – men 3 yil ommaviy segmentni rivojlantirish mutaxassisi bo’lib ishladim va qariyb 1 yil B2B bozorini rivojlantirish bo’yicha mutaxassis bo’lib ishladim. Mening karyeramdagi eng yorqin loyihalardan biri by Odnoklassniki kompaniyasi bilan hamkorlikda ishlangan OK tarifi bo’ldi va u Teliasonera Brand Awards marosimida «Best Co-branding Project» yo’nalishida g’olib bo’ldi. B2B segmenti uchun Smart Plan innovatsiyon tarifi loyihasini yaratdim.

Bugunda men Yangi texnologiyalar va innovatsiyon xizmatlar guruhi rahbari lavozimida ishlamoqdaman va Ucell’ni yangi avlod operatori darajasiga olib chiqishga yordam beradigan mahsulotlar ishlab chiqarish uchun javobgarman.

Kompaniyada 4,5 yillik ish tarjibamdan kelib chiqib shuni aniq aytishim mumkinki, ishga kirish uchun hujjat topshirishdan oldin haftada 5 kun 70% vaqtingizni oladigan bu ish sizga qanchalik kerak ekanini yaxshilab o’ylab ko’ring. Modomiki, siz band bo’lmoqchi bo’lgan ishga befarq bo’lmasangiz, ajoyib jamoa va dos’tlarni uchratishni, shuningdek boy ish tajribasi orttirishni istasangiz, yangi taassurotlar qidirsangiz va doimo takomillashishni yoqtirsangiz Ucell siz uchun eng a’lo tanlovdir!

Yaxshi niyatlaringizda sizga omad tilayman!

Yashirish

O‘shanda men, ko‘pchilik kursdoshlarim singari, qayerda ishlashim, nima bilan shug‘ullanishim, o‘zimga hammasidan ham qizig‘i nima ekanligi haqida o‘ylar edim. Men xalqaro iqtisodiy munosabatlar fakultetida o‘qir edim va bu yo‘nalish juda ko‘p fan sohalarini qamrab oladi. Fransiya instituti qoshidagi ta’lim bo‘yicha maslahatchi meni HR fakultetiga yo‘naltirdi va bu, garchi o‘shanda o‘zim unchalik payqamagan bo‘lsam-da, to‘g‘ri tanlov edi. HR – bu juda serqirra kasb, o‘ylaymanki, shunisi bilan u menga yoqadi va bu borada o‘zim egallagan barcha bilimlarni o‘z o‘rnida qo‘llayapman.

Mening Kompaniya bilan tanishuvim besh yil avval boshlangan. O‘shanda mening oldimda tanlov turardi: o‘qishni davom ettirish va PHD doktorlik dissertatsiyasini yozish, yoki Ucellda ish boshlash. Men istisnosiz barchaga berishim mumkin bo‘lgan yagona maslahat shuki, qilayotgan ishingizni sevishingiz kerak. Ishonmaysizmi – qo‘l urmang. Agarda motivatsiya yetarli bo‘lmasa – hatto boshlamay qo‘yavering. Istar-istamas va motivatsiyasiz qilingan hech qanday ish yaxshi baho ololmaydi. Agar bu ish o‘zingizga mos ekanini his etsangiz – dadil olg‘a yuring va hech nimadan qo‘rqmang.

Men Kompaniyadagi ishimni aynan HR jarayonlarini avtomatlashtirish loyihasi amalga oshirilayotgan davrda boshladim va menga, kadrlar boshqaruvi mutaxassisi sifatida, mazkur loyiha ustida ishlash baxti nasib etdi.

Uch yil avval meni HR sohasida avtomatlashtirilgan tizimni foydalanishga joriy etganligim uchun “Ucell Star Award 2013”ga loyiq ko‘rishdi. Men harakatlarim eng yuqori darajada baholanganidan behad shod bo‘ldim.

2015-yili men yetakchi mutaxassis lavozimiga o‘tkazildim. So‘nggi yutuqlarimdan biri – bu Mehnat ta’tillari grafigi jarayonini avtomatlashtirishdir. Albatta, hali kadrlarni boshqaruv seksiyasi rejalarida e’tibor qaratiladigan joriy vazifalar mavjud. Jarayonlarni avtomatlashtirishdan keyin tejalgan jami ish vaqti seksiyalarning ichki auditiga yo‘naltirildi, bu ham barcha ish jarayonlarini sezilarli darajada yaxshiladi.

Shaxsan o‘zim uchun yana bir katta yutuq – 2015-yilning oxirida ichki audit guruhiga tayinlanganim bo‘ldi. O‘qish va Kompaniya bo‘yicha ichki auditlarni o‘tkazish mobaynida men juda katta miqdorda yangi bilimlar olishga, Kompaniya ishini o‘zim uchun mutlaqo yangi bosqichda ko‘rish va anglashga muvaffaq bo‘ldim.

Umid qilamanki, bu hali mening ulkan yo‘limning faqatgina boshlanishidir.

Yashirish

Men o‘zimni juda baxtiyor inson hisoblayman, sababi – karyeramdagi yutuqlarimning har bir bosqichida mening ajoyib ustozlarim bo‘lgan va buning uchun shukur qilaman..

Ucellga qadar men umuman boshqa faoliyat sohasida va davlat korxonalarida ishlaganman..

Ucellda suhbatdan o‘tganimda, menga bu Kompaniya yoqib qolgan hamda albatta uning bir qismi bo‘lishim kerakligini, shuningdek, bu yerda ko‘p narsalarni o‘rganishim va ham inson sifatidagi, ham professional sifatidagi o‘z xislatlarimni rivojlantirishim mumkinligini his qilganman. Va men o‘zimning yangi ishimni tanlashda adashmaganman. Ishga kirib olganimdan so‘ng, operatorlikni o‘rganish jarayonidagi shunday lahzalarni xotirlaymanki, o‘shanda Kompaniya mahsulotlari bo‘yicha treningdan o‘tayotib, shunchalik ma’lumotlarni eslab qolish juda qiyin va men abonentlar bilan ishlay olmayman, deb o‘ylaganman. Xavotir va qo‘rquvlarimga qaramasdan, men o‘shanda o‘z-o‘zimga, ishlay olishimni va albatta eng yaxshi operatorlardan biri bo‘lishimni aytganman. Men o‘z xavotirlarimni yengib o‘tdim, o‘ylaymanki, hayotda har kimda ham biror yangi ish oldidan shunday holat bo‘ladi. Maslahatim: shu kabi lahzalarda qo‘rqmaslik kerak, shunchaki ishga kirishish lozim..

Mening adolatli va halolligim, har bir abonentimizga insoniy munosabatda bo‘lishim rahbariyatimizga menda guruh rahbarini ko‘rishga ko‘maklashdi..

Fikrimcha, men o‘z xodimlarimni kishilarni tinglashga, yuzaga kelgan masalalarda yordam berishga o‘rgatdim. O‘z jamoamni hamisha qo‘llab-quvvatladim hamda ularni yaxshi inson va xodim bo‘lishga undadim. Men hech qachon ishdan, qiyinchiliklardan qo‘rqmadim va doimo yechim topishga harakat qildim; shuningdek, har bir mijozga, xodimga va rahbarga o‘ziga xos yondashuv yo‘lini tanlashga intildim va bularning bari mening o‘sishimga xizmat qildi..

Lekin eng asosiysi – o‘zim amal qiladigan bir nechta tamoyil va qoidalarim bor: o‘zing shug‘ullanayotgan ishni sevish va hatto juda qiyin bo‘lsa ham aslo taslim bo‘lmaslik, hamisha eng yaxshisi bo‘lish va yuksak darajada halol bo‘lish kerak. Shuningdek, direktorimiz hamisha takrorlaydigan ushbu so‘zlarga ham amal qilishga intilaman: «Ertangi ishni bugun qilib qo‘yish, bugungisini esa hoziroq tugatib qo‘yish lozim». Aslida, har kim shu oddiy qoidalarga amal qilsa, u hamma ishini yaxshi uddalaydi. O‘zingizga ishoning va bilingki, barcha-barchasi faqat o‘zingizgagina bog‘liq..

Bu – mening kichkina muvaffaqiyat tarixim, hammaga yaxshi ustozlar uchrashini va halol bo‘lishlarini tilayman.

Yashirish