Qora ro‘yxat

Agar siz ma‘lum bir abonentdan keladigan qo‘ng‘iroqni to‘lashni istamasangiz siz ushbu raqamni "Do‘stim hisobidan qo‘ng‘iroq" xizmatining Qora ro‘yxatiga kiritishingiz mumkin. Bunda ushbu raqamdan "Do‘stim hisobidan qo‘ng‘iroq" xizmati orqali amalga oshirilgan qo‘ng‘iroq bloklanadi. Shuni esda tutingki, oddiy, to‘g‘ridan to‘g‘ri qo‘ng‘iroqlar amalga oshirish imkoniyati saqlanib qoladi.

• Raqamni qora ro‘yxatga kiritish uchun 922 raqamiga "1 9989Yxxxxxxx" matnini SMS shaklida yuboring.
• Raqamni qora ro‘yxatdan o'chirish uchun 922 raqamiga "3 9989Yxxxxxxx" matnini SMS shaklida yuboring.

Bundan tashqari, siz xizmatni o'chirishingiz mumkin. Bunda sizga boshqa abonentlar "Do'stim hisobidan qo'ng'iroq" xizmatidan foydalanib qo'ng'iroq qila olishmaydi.

• Xizmatni o'chirish uchun, 922 raqamiga "1 *" (1 probel *) matnli SMS xabar jo'natishingiz lozim.
• Xizmatni qaytadan yoqish uchun, 922 raqamiga "3 *" (3 probel *) matnli SMS xabar jo'nating.

Oq ro‘yxat

Agar siz ma‘lum bir abonentdan keladigan qo‘ng‘iroqni to‘g‘ridan to‘g‘ri qabul qilishni istasangiz siz ushbu raqamni "Do‘stim hisobidan qo‘ng‘iroq" xizmatining Oq ro‘yxatiga kiritishingiz mumkin. Bunda ushbu raqamdan "Do‘stim hisobidan qo‘ng‘iroq" xizmati orqali amalga oshirilgan qo‘ng‘iroq to‘g‘ridan to‘g‘ri, tasdiqlashsiz qabul qilinadi.

• Raqamni oq ro‘yxatga kiritish uchun 922 raqamiga "2 9989Yxxxxxxx" matnini SMS shaklida yuboring.
• Raqamni oq ro‘yxatdan o'chirish uchun 922 raqamiga "4 9989Yxxxxxxx" matnini SMS shaklida yuboring.

"Nol hisob" funksiyasi

Agar abonent Ucellning boshqa abonentiga qo‘ng‘iroq qilmoqchi bo‘lsa va unda buning uchun mablag‘ yetarli bo‘lmasa, qo‘ng‘iroq qilayotgan abonentda "Do‘stingiz hisobidan muloqot" xizmati doirasida "Nol hisob" funksiyasi o‘z-o‘zidan yoqiladi. Shu tariqa qo‘ng‘iroq qilayotgan abonent IVRga tushadi va unga "Do‘stingiz hisobidan muloqot" xizmatidan foydalanish tavsiya qilinadi. Abonent taklifga rozi bo‘lgan holda (roziligini bildirish uchun "1" raqamini bosishi kerak), "Do‘stingiz hisobidan muloqot" xizmatidan foydalanish standart tartibiga o‘tadi. Agar qong‘iroq qilayotgan abonent "Do‘stingiz hisobidan muloqot" xizmatidan foydalanishdan voz kechsa, unda "Javob qaytarilmagan qo'ng'iroq signali" funksiyasi o‘z-o‘zidan yoqiladi.

Agar qo‘ng‘iroq qilinayotgan abonent Ucell abonenti bo‘lmasa, shuningdek, qo‘ng‘iroq qilinayotgan abonent roumingda, tarmoq xizmati doirasidan tashqarida bo‘lsa yoki qo‘ng‘iroq uchun pul to‘lashga hisobida mablag‘ yetarli bo‘lmasa, "Nol hisob" funksiyasi yoqilmaydi.

"Javob qaytarilmagan qo'ng'iroq signali" funksiyasi

"Do‘stingiz hisobidan muloqot" xizmati doirasidagi "Javob qaytarilmagan qo'ng'iroq signali" funksiyasi qo‘ngi‘roq qilayotgan abonent telefoniga javob qaytarilmagan qo'ng'iroq haqida xabar jo‘natish vazifasini amalga oshiradi. Bu funksiya yoqilganda qo‘ng‘iroq qilinayotgan abonent telefoniga qo‘ng‘iroq bormaydi. "Javob qaytarilmagan qo'ng'iroq signali" funksiyasi quyidagi hollarda o‘z-o‘zidan yoqiladi:

1. Agar qo‘ng‘iroq qilayotgan abonent "Nol hisob" funksiyasi doirasida "Do‘stingiz hisobidan muloqot" xizmatidan foydalanishdan voz kechsa;
2. Agar abonent O‘zbekiston Respublikasi hududidagi boshqa uyali aloqa operatori abonentiga qo‘ngiroq qilayotgan holda, qo‘ngiroq uchun hisobida mablag‘i yetarli bo‘lmasa.

Agar qo‘ng‘iroq qilinayotgan abonent roumingda yoki tarmoq xizmati doirasidan tashqarida bo‘lsa, "Javob qaytarilmagan qo'ng'iroq signali" funksiyasi yoqilmaydi