"Omadli+" tarif rejasiga o‘tish uchun abonent hisobida kamida 126300 so‘m bo‘lishi kerak.

"Omadli+" tarifiga o‘tishda yoki yangi ulanish paytida tarif bo‘yicha abonent to‘lovining yechilishi hamda tarif doirasida daqiqa/SMS/MBlar limitining belgilanishi kalendar oyining oxirigacha qolgan kunlar soniga mos tarzda amalga oshiriladi. Limit belgilanguniga qadar qo‘ng‘iroqlar, SMS va Internet limitdan tashqari ko‘rsatilgan tarif bo‘yicha narxlanadi.

Birinchi abonent to‘lovining yechilishi hamda limitlar belgilanishi ulanishdan keyin birinchidan o‘n yettinchi kungacha (abonent ulangan paytga qarab), abonent hisobida mablag‘ yetarli bo‘lgan paytda amalga oshiriladi. Tizim 17-kuni faqatgina soat 08:00 gacha abonent to‘lovini yechishga urunishni amalga oshiradi. Belgilangan limitlar joriy oyining oxirgi kuniga qadar amal qiladi.

*"Omadli+" tarifida oylik bepul daqiqa, SMS va MB belgilanishi va abonent to‘lovining yechilishi har oyning birinchi kuni (soat 00:00 dan – 08:00 gacha bo‘lgan davrda) amalga oshadi. Buning uchun hisobda oylik abonent to‘lovining to‘liq yechilishi uchun mablag‘ yetarli bo‘lishi kerak. Agar oyning birinchi kuni hisobning oylik abonent to‘lovining to‘liq yechilishi uchun mablag‘ yetarli bo‘lmasa, u holda oyining 1-dan to 16-chi kunigacha, o‘zingizga qulay bo‘lgan vaqt hisobingizni to‘ldirish imkoniyatiga egasiz. Qachonki hisobingiz kerakli mablag‘ga to‘ldirilgach, abonent to‘lovi yechiladi va daqiqa, SMS hamda megabaytlar to‘liq hajmda belgilanib, ular kalendar oyining oxiriga qadar amal qiladi. E’tibor qiling – abonent to‘lovi faqatgina raqamingiz hisobi to‘ldirilganida raqamingiz faol holatda bo‘lsagina yechiladi. Agar raqamingiz blok holatiga o‘tgan bo‘lsa, avval raqam hisobini ikki marta to‘ldirish tavsiya etiladi: Birinchi to‘ldirish - raqamni faol holatga o‘tkazish uchun, ikkinchi to‘ldirish – abonent to‘lovini yechish uchun. Ikki to‘lov summasi abonent to‘lovini yechish uchun yetarli bo‘lishi kerak.
Kalendar oyining 17-kunidan abonent to‘lovi yechilishi uchun va daqiqalar, SMS hamda MB belgilanishi uchun soat 00:00 dan 07:59 gacha bo‘lgan davrda faqatgina bitta urunish amalga oshiriladi va belgilanish vaqti qayd qilinmagan. Abonent to‘lovi muvaffaqiyatli yechilishi uchun va tegishli limitlar joriy kalendar oyining kunida yechilishi uchun soat 00:00 da hisobingizda 126 300 so'm yoki ko‘proq mablag‘ bo‘lishini lozim. Agar abonent to‘lovi yechilishi kerak bo‘lgan paytda hisobda mablag‘ yetarli bo‘lmasa, hatto abonent hisobi 08:00 qadar to‘ldirilsa ham Kompaniya tizimi to‘lovni yechish uchun boshqa urunishni amalga oshirmaydi. Hatto abonent raqamining hisobida yechish uchun mablag‘ yetarli bo‘lsa ham kalendar oyining 17-kuni 08:00 dan keyin va oyning oxirigacha abonent to‘lovi yechilmaydi va limitlar belgilanmaydi.

** Tarif doirasidagi daqiqa/SMS/MBlar limiti abonent to‘lovi yechilganidan keyin to‘liq hajmda belgilanadi va kalendar oyining oxiriga qadar amalda bo‘ladi. Taqdim etilgan limitlar keyingi kalendar oyiga o‘tmaydi.

Anglashilmovchiliklarning oldini olish uchun, bepul limitdan foydalanishdan avval daqiqa, SMS va Internet-trafik limitining belgilanganligini tekshirib ko‘rishni tavsiya etamiz. Limit belgilanguniga qadar qo‘ng‘iroqlar, SMS va Internet limitdan tashqari ko‘rsatilgan tarif bo‘yicha narxlanadi.

Oylik abonent to‘lovi hisobdan yechilishining imkoni bo‘lmagan hollarda tarmoq ichidagi va tarmoqdan tashqari qo‘ng‘iroqlar, SMS, shuningdek Internet uchun oylik MB limiti taqdim etilmaydi va bu xizmatlar limitdan tashqari ko‘rsatilgan tarif bo‘yicha narxlanadi.

"Omadli+" tarifidagi abonentlar, agar abonent tomonidan hech qanday pulli harakatlar amalga oshirilmasa yoki hisobi to‘ldirilmasa, oxirgi abonent to‘lovi yechilganidan 60 kun keyin bloklangan holatga o‘tadilar. Tarif bo‘yicha taqdim etilgan limitga kiruvchi daqiqa, SMS va MBlardan foydalanish pulli harakat hisoblanmaydi va abonentning faol holati saqlanib qolishiga sabab bo‘la olmaydi. 

• "Omadli+" tarifida "Tarmoq ichida 0" va "VIP" qo‘shimcha xizmatlari amal qilmaydi.
• "Aniq" tarifiga o‘tish holatida O‘zbekiston bo‘yicha daqiqalar, SMS, hamda Internettrafik limitlari kuyib ketadi.
• "Oddiy", "Ko‘proq", "Ijobiy" tarif rejalariga o‘tishda ushbu tarif bo‘yicha avval belgilangan internet-trafik TAS-IX yo‘nalishlari uchun sarflanadi. Oldin to‘plangan internet-trafikdan tarif rejasi almashtirilgan sutkaning oxiriga qadar foydalanish mumkin bo‘ladi. Keyingi sutka boshlanishi bilan, avvalgi trafik bekor qilinadi, yangi trafik esa yangi tanlangan tarif rejasi shartlariga ko‘ra kunlik asosda taqdim etiladi. Internet-trafikdan foydalanishni boshlashdan oldin, belgilangan bonuslarni *102# USSD-so‘rovi orqali tekshirishingizni so‘raymiz.
• CONTENT xizmatlarga hamda xalqaro yo‘nalishdagi qo‘ng‘iroqlar tarif shartlariga binoan taqdim etilgan limitdan sarflanmaydi.
• "Oson hisob" tarifga o‘tish holatida to‘plangan MBlar amal qilmaydi.
• Tarif rejasi bo‘yicha taqdim etilgan limitlardan faqat faol holatda foydalanish mumkin. Agar limitlardan foydalanayotgan paytda raqamingiz faol holatdan bloklangan holatga o‘tsa, u holda siz to sessiya yakunlanguniga yoki tarif rejasi doirasidagi limitlar tugaguniga qadar limitlardan foydalanishda davom etishingiz mumkin.  
• Internet xizmatlaridan foydalanuvchi abonentlarga mablag‘larni rezervatsiya qilish tizimi va 4G tarmog‘ining ishlash xususiyati haqida qo‘shimcha ma’lumot bilan tanishib chiqishni tavsiya qilamiz.

Abonent hisob raqamining "Mobil avans" va "Mobil o'tkazma" hizmatlari, hamda hisobni korrektirovkalash orqali to‘ldirilishi abonent hisobini to‘ldirilishi sifatida qabul qilinmaydi.

"Omadli+" tarifi faqat Prepaid tizimi abonentlari uchun amal qiladi.