Ma’lumotlar
Ma’lumotlarning maxfiyligi bilan bog‘liq Mijoz huquqi

Ma’lumotlarning maxfiyligi bilan bog‘liq Mijoz huquqi

Biz Mijozlarimizning shaxsiy ma’lumotlarining maxfiyligini ta’minlash masalasini o‘z faoliyatimizni barqaror ravishda amalga oshirishdagi eng asosiy masala deb bilamiz.

Ushbu sahifamiz Mijozlarimizning qanday shaxsiy ma’lumotlari biz tomonimizdan saqlanib kelinishi va qayta ishlanishi, ushbu ma’lumotlarning maxfiyligi va yaxlitligi qanday ta’minlanishi haqida Mijozlarimizga ma’lumot taqdim etish maqsadida ishlab chiqilgan.
“COSCOM” XK MChJ, “UCELL” savdo belgisi  (keyingi o‘rinlarda “UCELL”) taqdim etayotgan xizmat va tarmoqlarini himoyalash maqsadida faol ravishda ish olib bormoqda. Bizning ixtiyorimizda bo‘lgan Mijozlarimizning shaxsiy ma’lumotlarini ruxsatsiz oshkor etishdan, ulardan noqonuniy va noto‘g‘ri foydalanishdan, asossiz o‘zgartirishlar kiritishdan himoya qilish uchun bir qator chora-tadbirlarni ko‘rdik.

Mijozlarimizning shaxsiy ma’lumotlaridan foydalanish huquqi faqat cheklangan miqdordagi ma’lum xodimlarimizgagina berilgan. Ucellda Mijozlarning shaxsiy ma’lumotlari saqlanib kelinayotgan ma’lumotlar bazasi yoki serverlarga ruxsati bor bo‘lgan, shuningdek xizmatlarimizni taqdim etishda ishtirok etib kelayotgan xodimlarimizga nisbatan juda qattiq tartib-intizom o‘rnatilgan. Mijozlarimizning shaxsiy ma’lumotlarining maxfiyligi va xavfsizligiga javobgar xodimlarimiz ushbu ma’lumotlarni yo‘qotish, suiiste’mol qilish yoki asossiz ravishda o‘zgartirishlar kiritish holatlarini qisqartirish borasida juda faol ish olib bormoqdalar.

Maxfiylik siyosati
Ucellda inson huquqlariga amal qilish xalqaro standartlari hamda O‘zbekiston Respublikasining Fuqarolik kodeksi, O‘zbekiston Respublikasining “Axborot olish kafolatlari va erkinligi to‘g‘risida”, “Axborot erkinligi prinsiplari va kafolatlari to‘g‘risida”, “Aloqa to‘g‘risida”, “Telekommunikatsiyalar to‘g‘risida”gi Qonunlari, “Mobil aloqa xizmatlarini ko‘rsatish Qoidalari” O'zbekiston Respublikasi Adliya vazirligi №1900 ro’yxatidan o’tgan va Maxfiy axborotlar sirasiga kiritilgan ma’lumotlar Ro‘yxati (O‘zbekiston Respublikasi Vazirlar Mahkamasining 2011-yil 7-noyabrdagi 296-sonli Qaroriga 2-sonli Ilova) asosida tuzilgan Ma’lumotlarning maxfiyligi to‘grisida Nizom joriy etilgan.

Yuqorida ko‘rsatib o‘tilgan normativ-huquqiy hujjatlar ma’lumotlarni qayta ishlash jarayonida Mijozlarimizni ularning shaxsiy hayotiga aralashishdan himoya qilish uchun yo‘naltirilgan talablarni o‘z ichiga oladi.

Umumiy ma’lumotlar
Ucell Mijozlarning shaxsiy ma’lumotlarini aloqa xizmatlarni taqdim etish to‘g‘risida tuzilgan shartnoma asosida qayta ishlaydi. Ushbu ma’lumotlar yuqorida ko‘rsatilgan shartnomalar bo‘yicha belgilangan majburiyatlarining Ucell tomonidan bajarilishini ta’minlash, taqdim etilgan xizmatlarni tarifikatsiyalash hamda O‘zbekiston Respublikasi qonunchiligiga muvofiq bo‘lgan majburiyatlarini bajarish maqsadida qayta ishlanadi.

Noto‘g‘ri taqdim etilgan shaxsiy ma’lumotlar bilan ishlash
Har bir Mijoz Kompaniyaga to‘g‘ri ma’lumot taqdim etishga mas’ul. Ucell esa, o‘z navbatida, Mijozlarning keyinchalik qayta ishlanishi lozim bo‘lgan shaxsiy ma’lumotlari ma’lumotlar bazasiga to‘g‘ri kiritilishiga javobgar hisoblanadi.
Agar Mijoz shaxsiy ma’lumotlarida xatoliklar aniqlansa, Mijoz Ucellga yozma ravishda yoki boshqa yo‘llar bilan bu haqda ma’lum qilishi mumkin.

Ma’lumotlar bazasiga kiritilgan Mijozning shaxsiy ma’lumotlari to‘g‘riligini ta’minlash maqsadida Ucell tegishli nazorat tartibini joriy etadi.
Agar tarmoqqa ulanish vaqtida Ucell operatorlari yoki dilerlari xatosi sababli Mijoz shaxsiy ma’lumotlarida nomuvofiqliklar aniqlangan bo‘lsa, Ucell Mijozning shaxsiy ma’lumotlari borasida aniqliklar kiritish maqsadida unga bildirish xati jo‘natib, Kompaniya idorasiga murojaat etishini so‘raydi.

Mijoz – jismoniy shaxs uyali radiotelefon aloqasi xizmatlarini taqdim etish uchun tuzilgan Shartnomaga muvofiq 30 kun davomida pasport va shaxsiy ma’lumotlariga (familiya, ism, otasining ismi, turar joy) kiritilgan o‘zgartirishlar to‘g‘risida keyinchalik pasportini taqdim etish sharti bilan Ucellni xabardor qilishi lozim.

Mijoz – yuridik shaxs aloqa xizmatlarini taqdim etish uchun tuzilgan Shartnomada ko‘rsatilgan ma’lumotlarga o‘zgartirishlar kiritilgan bo‘lsa, bu haqda rasmiylashtirilgan kundan boshlab besh kun ichida tegishli ma’lumotni yozma ravishda Kompaniyaga taqdim etishi lozim.

Qanday ma’lumotlar qayta ishlanadi?
Qayta ishlanadigan ma’lumotlar:

  • Mijoz – jismoniy shaxsning shaxsiy ma’lumotlari, ya’ni shartnomada ko‘rsatib o‘tilgan familiyasi, ismi, otasining ismi, pasport seriyasi va raqami, ro‘yxatdan o‘tgan turar joy manzili, telefon raqami, shartnoma imzolangan sana va h.k.
  • Mijoz – yuridik shaxs ma’lumotlari, ya’ni shartnomada ko‘rsatib o‘tilgan korxona nomi, STIR, yuridik manzil, bank hisob raqami, bank rekvizitlari, shartnoma imzolangan sana va h.k.
  • Ucell xizmatlarini Mijozga (jizmoniy va yuridik shaxsga) taqdim etish vaqtida berilgan ma’lumotlar (amalga oshirilgan harakatlar haqida ma’lumotlar);
  • Shikoyat, taklif va so‘rovlar shaklida Ucellga qilingan murojaatlar bilan bog‘liq ma’lumotlar.

Qaysi maqsadlar uchun ma’lumotlar qayta ishlanadi?
Shaxsiy ma’lumotlardan Ucell, birinchi o‘rinda, Mijoz majburiyatlarini shaxsiylashtirish hamda amalga oshirilgan harakatlarni, xizmatlarning taraqqiyotini, mijozlar bazasining segmentlashtirilishini va aniq maqsadlarga yo‘naltirilgan marketing kampaniyalarini tahlil qilish maqsadida foydalanadi.

Boshqa ma’lumotlar
“Boshqa ma’lumotlar” deganda shaxsiy bo‘lmagan ma’lumotlar tushuniladi. Biz bunday ma’lumotlarni, masalan, Ucell veb-saytidan foydalanganlarida olamiz. Bu kabi ma’lumotlar saytga tashriflar soni, saytda bo‘lish muddati, kirishda qo‘llanilgan brauzer versiyasi, operatsion tizim va boshqa shaxsiy hisoblanmaydigan ma’lumotlarni o‘z ichiga oladi. Bunday ma’lumotlar saytimiz mijozlarining qiziqishlarini tahlil qilish va uning dizaynini yaxshilashda yordam beradi.

Boshqa shartlar
Ucell ushbu ma’lumotlarga o‘zgartirishlar kiritish huquqiga ega. O‘zgartirilgan ma’lumotlar
www.ucell.uz saytida nashr etilgan kundan kuchga kiradi.


Murojaat qoldirish

Taklif, murojaat yoki shikoyatingizni qoldiring

Internet-sozlamalar

Telefoningizda Internet-sozlamalarning to`liq tafsiloti

Ofislarimiz va dilerlarimiz manzillari

Ucellning barcha ofislari Sizning xizmatingizda!

Firibgarlikning oldini olish

Sifatli aloqa va raqamingiz xavfsizligi!