Hurmatli korporativ mijoz!

Mazkur murojaat rasmiy hisoblanadi. Shu munosabat bilan, Sizdan quyidagilarni inobatga olishingizni so‘raymiz:

1. Murojaatlarni ko‘rib chiqish faqat yuridik shaxslar uchun amalga oshiriladi;
2. Murojaatlarni ko‘rib chiqish muddati – 5 dan 30 ish kunigacha;
3. Quyidagi hollarda Sizning murojaatingizni ko‘rib chiqish rad etilishi mumkin:

• Murojaatda jismoniy shaxsning familiyasi (ismi, otasining ismi), uning yashash manzili haqidagi ma’lumotlar yoki yuridik shaxsning to‘liq nomi, uning joylashuv o‘rni (pochta manzili) haqidagi ma’lumotlar ko‘rsatilmagan yoki ular haqida yolg‘on ma’lumotlar ko‘rsatilgan bo‘lsa, bular anonim murojaat hisoblanadi;
• Murojaat mazmuni qo‘pol (uyat yoki haqoratomuz so‘zlar qo‘llangan, tahdidlar yoki mantiqsiz va bema’ni takliflar mavjud va h.k.) bo‘lsa;
• Agar murojaat matnida tushunarsiz qisqartmalar yoki reklama materiallari bo‘lsa, unda aniq bayon qilingan ariza, shikoyat yoki taklif bo‘lmasa;
• Ucell kompaniyasi faoliyati va uyali aloqa xizmatlariga aloqador bo‘lmagan masalalarda murojaat etilgan bo‘lsa.
• Bir foydalanuvchining o‘zi tomonidan, oldin ham bir necha marta javob taqdim etilgan savol bilan qayta murojaat etilgan taqdirda, bordi-yu murojaatda yangi dalillar keltirilgan yoki yangi holatlar ko‘rsatilgan bo‘lmasa, bu murojaat ko‘rib chiqilmaydi.

5. "Coscom" MChJ mijozi/abonentining maxfiy ma’lumotlariga oid barcha axborotlar faqatgina raqam rasmiylashtirilgan korporativ mijoz nomidan rasmiy xatning asl nusxasi yoki skanerlangan nusxasi ko‘rsatilgan holatdagina taqdim etiladi.
6. Aloqa sifati bo‘yicha shikoyat bilan murojaat etishda, aloqa sifati bilan bog‘liq texnik muammolar yuzaga kelayotgan joyni – abonentning aniq joylashuv o‘rnini (shahar, tuman, mahalla, ko‘cha) ko‘rsatish lozim.