Ucell-Buxoro hududiy bo'linmasi 2022 yilning to'rtinchi choragida Kompaniyaning “Flagman” motivatsion dasturi natijasida eng muvaffaqiyatli deb tan olindi. Buxoroliklar 2023 yilning dastlabki oylarida ham yaxshi natijalarga erishmoqdalar.
 
- O'tgan yili Buxoro bo’linmasi jamoasi oldida katta vazifalar belgilandi.
- deb so’z yuritadi Ucell-Buxoro hududiy bo’linmasi direktori Mehridin Muxamedov.
Bizga nafaqat yangi tayanch stansiyalarini qurish va ishga tushirish, balki Buxoroda va viloyat bo’ylab savdo shahobchalari ochilishini amalga oshirish vazifalari topshirildi. Hududiy bo’linma abonentlar bazasini ko’paytirish, shu bilan bir qatorda bozor ulushini oshirish bo’yicha ko’pgina ishlarni amalga oshirishi zarur edi.
 
Bunday katta vazifalar faqat ishni tashkil etish yoki kuchli ishtiyoq bilan amalga oshirilmaydi. Mobil aloqalarni texnik qayta jihozlashga katta sarmoyalar kiritish zarur bo’ldi.
Buxoro viloyatida 2022 yilda Ucell mutaxassislari 49 ta yangi va 50 ta modernizatsiya qilingan obyektlarni ishga tushirdilar.
Bu 288 ta yangi tayanch stansiyalarni tijoriy ishga tushirish imkonini berdi, shu jumladan:

• 97 ta stansiya, 2G format, ovozli aloqa;
• 55 ta stansiya, 3G format, ovozli aloqa va ma'lumotlarni uzatish;
• 136 ta LTE 4G formatidagi stansiyalar, yuqori darajadagi ma'lumot uzatish.

 

Aholi punktlarida yangi 4G stansiyalari o'rnatilishi bilan Ucell-Buxoro xodimlari o'rnatilgan joylarga tashrif buyurishdi. Mahalliy aholi bilan uchrashishdi, uyali aloqani yaxshilash va ma'lumotlarni uzatish tezligini oshirishdagi yangi imkoniyatlar haqida suhbatlashdilar.
Abonentlarga SMS-xabarlar jo’natish kabi bir qarashda oddiy, ammo juda samarali vositani ham unutmadik. Yangi stansiyalarning paydo bo'lishi, texnik qayta jihozlanganligi haqida xabarlar berildi.
 
 
Texnik qayta qurollash Olot, Buxoro, Vobkent, Galaosiyo, G’ijduvon, Jondor, Qorako’l, Kogon, Qorovulbozor, Peshkun, Romitan, Shofirkon tumanlarida va Buxoro shahrida aloqa sifatini sezilarli darajada yaxshiladi.
 
 
Buxoroliklar kelajakka optimistik ko’z bilan nazar solishmoqda va hududiy ofis tokchalarini bundanda ko’proq g’alaba nishonlari bezashini va’da qilishmoqda.