Aprel oyida “Navoiy MTRK” telekanali Navoiy viloyatida telekommunikatsiyalar rivoji va aloqa sifati haqida reportaj tayyorladi.
 
O‘zbekiston Respublikasi Davlat aloqa inspeksiyasi ishtirokida tayyorlangan ma’ruzada “Ucell-Navoiy”ning hududiy filiali to‘g‘risidagi hikoya olis aholi punktlari bilan muvaffaqiyatli olib borilgan ishlar sifatida ko‘rsatildi.
 
“Ucell-Navoiy” MChJ texnik bo‘limi hududiy bosh muhandisi Alisher Ibadullayev o‘z intervyusida “COSCOM” MChJning Navoiy viloyatidagi tarmoq rivojiga qo‘shgan yutug‘i va hissasi haqida so‘zlab berdi.
 
«O‘tgan yil davomida Ucell mobil operatori tarmoq modernizatsiyasiga 111,5 million dollar sarmoya kiritdi. Katta hajmdagi sarmoyalar Kompaniyaga 2022-yilda O‘zbekistonning bir qancha hududlarida 331 ta yangi obyekt ishga tushirish va 781 ta mavjud obyektlar modernizatsiya qilish imkonini berdi. Xozirda ham TS qurish ishlari faol olib borilmoqda. Buni Navoiy viloyati misolida kuzatsak bo‘ladi.
 
MChJ «COSCOM» joriy yilda Navoiy viloyatida 7 ta yangi tayanch stantsiyasini ishga tushirdi, 12 tasi esa 4G texnologiyasi asosida takomillashtirildi.
Ucell Kompaniyasi «Suvlik» mahalla fuqarolar yig’inida 2014 yilda 900 MG diopazonda TS o’rnatgan edi.
 
2022 yilda ular takomillashtirilib, abonentlarga internet xizmatidan foydalanish imkonini yaratdi.
Joriy yilning mart oyida «Sovuqbuloq» qishlog’ida o‘rnatilishi oson bo‘lgan va barqaror signalni ta'minlovchi mikro tayanch stantsiyasi o‘rnatildi.
 
Bu o‘z navbatida aloqa sifatini yaxshilashga va aholi e'tirozini kamayishga sabab bo‘lmoqda.
Eng asosiysi, viloyatimizning olis xududlari xam yuqori tezlikdagi internet tarmog’i bilan qamrab olinyapdi.
Tayanch stantsiyalarni takomillashtirish ishlari yanada katta xajmda davom ettiriladi.», – Alisher Ibadullayev.