“COSCOM” MChJ (Ucell savdo belgisi) 19 may kuni “Donorlar kuni” anʼanaviy xayriya aksiyasini oʻtkazdi. Kompaniyaning xodimlari qon quyish har yili og'ir kasalliklarga chalingan insonlar hayotini saqlab qolishini va uzaytirishini anglaydilar. Shu sababdan ham ko'p yillardan buyon butun jamoa bu harakatni qo'llab-quvvatlab keladi.
 
Oxirgi besh yil ichida bir necha yuz Ucell xodimlari qon donoriga aylanishdi.



“Har yili Ucell kompaniyasi Donorlar kunini o‘tkazadi va unda xodimlar faol ishtirok etadilar. Respublika qon quyish markazining mobil guruhi yetib keladi. Biz tadbir o‘tkaziladigan joyni tayyorlaymiz va qon topshirish istagida bo‘lgan xodimlar ro‘yxatini tuzib, hamma uchun bir quti shirinliklar tayyorlab qo’yamiz. Markaz xodimlari guruhi ekspertiza va ekspress-test o'tkazadilar. Ular asosida xodimga qon topshirishga ruxsat bor yo’ki yo'qligi aniqlanadi. Muvaffaqiyatli ishtirokchilar qon donoriga aylanishadi.
Biz har yili ixtiyoriy va beminnat tarzda inson hayotini saqlab qolish uchun zarur bo'lgan qonni topshirayotgan Kompaniya xodimlariga chuqur minnatdorchiligimizni bildiramiz”, - Barno Yo'ldosheva, Ucell mehnatni muhofaza qilish bo'limi shifokori.