Zarur ma’lumotlarni olish uchun abituriyent kirish imtihonlarini topshirishda to‘ldirgan javoblar varaqasi raqami yozilgan SMSni 5100 qisqa raqamiga jo‘natishi kifoya.

Javob tariqasida abonent quyidagilar ko‘rsatilgan xabarni oladi:
Javoblar varaqasi raqami va natijalar haqida batafsil ma’lumot, OTM (OTMning qisqartirilgan nomi), to‘plangan ballar va natija bilan bog‘liq batafsil ma’lumot (misol uchun, grant yoki shartnoma asosida o‘qishga kirganlik, kirish uchun yetarli ball to‘planmaganlik va h.k.). Javob 5101 raqamidan keladi.

O‘zbekiston Respublikasi oliy o‘quv yurtlariga ta’lim yo‘nalishi bo‘yicha o‘tish ballari haqida ma’lumot olish uchun 5100 qisqa raqamiga abituriyent javob varaqasi raqami oldidan B harfi yozilgan (misol uchun, B7191353) SMS-so‘rov jo‘natilishi lozim.

 Izoh: Axborot xizmatidan foydalanish uchun telefonda hech qanday qo‘shimcha sozlash va vazifalarni amalga oshirish kerak emas. Yagona talab – telefonda SMS-xabar almashish imkoniyati mavjudligi.

 Diqqat! OTMga kirish natijalari haqida mazkur xizmat yordamida faqat Davlat komissiyasining kirish test imtihonlari natijalari chiqqanligi to‘g‘risidagi qarori e’lon qilingandan so‘nggina bilish mumkin bo‘ladi. Ungacha 5100 raqamiga amalga oshirilgan so‘rovga javoban abonentlar faqat serverga kirish imkoni yo‘qligi haqidagi xabarni oladilar; bunda so‘rov qayta ishlangan deb hisoblanadi va jo‘natilgan xabar xizmat uchun belgilangan qiymat bo‘yicha narxlanadi.