O‘zbekiston Xalqaro forumlar saroyida Ucell kompaniyasining 30 yilligi keng ko‘lamda, yorqin va samimiy ruhda nishonlandi. Tadbir bir maydonda hamkorlar, xodimlar va kompaniya do‘stlarini jamladi.
Dastlabki daqiqalardanoq bu oddiy yubiley emasligi sezildi. To‘la zal, tomoshabinlarning jonli reaksiyasi, sahna nuri va musiqa — bularning barchasi ortida yillar davomida erishilgan yutuqlar va umumiy mehnat mujassam edi.
Bu oqshom sahna haqiqiy hissiyotlar va harakat makoniga aylandi. Musiqiy chiqishlar, xoreografik sahnalar hamda zamonaviy vizual effektlar kompaniyaning o‘tmishi, buguni va kelajagini yagona hikoyaga birlashtirdi. Har bir chiqish — rivojlanish, energiya va doimiy harakat timsoli bo‘ldi.
Oqshomning eng iliq lahzasi kompaniya xodimlarining farzandlari chiqishi bo‘ldi. Ular sahnaga ko‘tarilib, qo‘shiq ijro etishdi va zalni samimiy tuyg‘ularga to‘ldirishdi. Bu chiqish Ucell — qadriyat va an’analar avloddan-avlodga o‘tib kelayotgan katta bir oila ekanligining ramziga aylandi.
Kechaning eng ta’sirli lahzalaridan biri — taqdirlash marosimi bo‘ldi. Sahna markaziga kompaniya rivojiga katta hissa qo‘shgan insonlar taklif etildi. Qarsaklar, tabassumlar va samimiy tuyg‘ular bu lahzalarga alohida ruh bag‘ishladi. Aynan shu yerda Ucell — avvalo insonlar ekanligi yana bir bor yaqqol namoyon bo‘ldi.
30 yil davomida kompaniya katta yo‘lni bosib o‘tdi — bozorga kirib kelishdan tortib, telekommunikatsiya sohasining yetakchi o‘yinchilaridan biriga aylanishgacha. Bugungi kunda Ucell — bu nafaqat aloqa operatori, balki zamonaviy texnologiyalarni joriy etayotgan, infratuzilmani kengaytirayotgan va millionlab abonentlar hayotini yanada qulay qilayotgan ishonchli raqamli hamkordir.
Yubiley oqshomi nafaqat sarhisob, balki yangi bosqich uchun start nuqtasiga aylandi. Xuddi shu sur’at, shu energiya va kelajakka yo‘naltirilgan aniq maqsadlar bilan Ucell oldinga intilishni davom ettiradi.