Chiroyli raqamni tanlang

• Ulanish vaqtida to‘g‘ri hujjat seriyasini ko‘rsatish zarur. Hujjat ma'lumotlari asl nusxaga mos kelmasa, raqam ulanmaydi;
• Bronlashning amal qilish muddati – 72 soat. Ushbu muddat tugagach, bron bekor qilinadi va raqam saytda qayta sotuvga qo‘yiladi;
• Raqamni bir taqvimiy oy davomida 3 martadan ko‘p band qilib bo‘lmaydi;
• Shaxsni tasdiqlovchi bitta hujjatga kuniga 2 tadan ortiq raqamni band qilib bo‘lmaydi;
• Shaklda ko‘rsatilgan ma'lumotlarni to‘ldirgandan so‘ng, "Bron kodi"ni saqlab qolish va kompaniyaning shaxsiy yoki dilerlik ofisiga topshirish lozim;
• Simple toifasidagi va faqat kompaniya saytida mavjud bo‘lgan raqamlar bron qilinadi;
• Kompaniyaning shaxsiy yoki dilerlik ofisiga murojaat qilganingizda, kompaniya saytida raqam bron qilishda to‘ldirilgan shakl asosidagi hujjatni o‘zingiz bilan olib keling;
• Xizmat faqat Prepaid tizimidagi abonentlar uchun mavjud;
• Kompaniyaning shaxsiy yoki dilerlik ofisida tanlangan raqamli SIM-kartani rasmiylashtirishda abonentning shaxsan hozir bo‘lishi shart;
• Ba'zi mobil qurilmalarda SMS orqali bron qilingan raqam haqida ma'lumot yuborishda raqamni kiritish imkoni yo‘q bo‘lishi mumkin. Ushbu holatda bron kodini boshqa mavjud usullar bilan saqlash tavsiya etiladi.

• Chegirma doirasidagi chiroyli raqamlarni "Istalgan raqam", "Muddatli to‘lovga chiroyli raqam" xizmati orqali ulanganda, chegirma amal qilmaydi;
• Chegirma doirasidagi chiroyli raqamlarni "Minnatdormiz" tarifi, "Turist", "M2M" tarif rejalariga ulab bo'lmaydi;
• Chegirma doirasidagi chiroyli raqamlar ro'yxatida avval ishlatilgan raqamlar bo'lishi mumkin.

1-savol: "Raqam tanlash" xizmati yordamida qanday raqamlarni tanlash mumkin?

1-javob: "Raqam tanlash" xizmati yordamida, Kompaniya saytidagi "Raqam tanlash" bo‘limida mavjud bo‘lgan va faqatgina Simple toifasidagi raqamlarni tanlash imkoniyati mavjud. Bo‘limdagi ro‘yxatda taqdim etilmagan raqamlarni tanlash va band qilish amalga oshirilmaydi.

2-savol: Tanlangan raqamni qachon band qilib qo‘yish va ulatish mumkin?

2-javob: Saytda raqamlarni band qilish uzluksiz ishlaydi. Band qilingan raqamlarni olish Kompaniya ofislarida, ularning ish tartibiga mos holda amalga oshiriladi.

3-savol: Tanlangan raqamni zaxiralashning eng uzoq muddati qanday?

3-javob: Zaxiralashning eng uzoq muddati – 3 kun (72 soat). Ushbu muddat tugaguncha ulanish amalga oshirilmasa, zaxiralash bekor qilinadi va raqam qaytadan sayt orqali sotuvga qo‘yiladi.

4-savol: Raqamni ulatish uchun qanday hujjatlar kerak bo‘ladi?

4-javob: Raqamni ulatish quyidagi hujjatlarni taqdim etgan holda amalga oshiriladi:

• amaldagi turar joyi bo‘yicha ro‘yxatdan o‘tganligi haqidagi yozuv kiritilgan O‘zbekiston Respublikasi fuqarolik pasporti;
• chet el fuqarosi pasporti;
• ofitser guvohnomasi, harbiy guvohnoma + № 33 shakl (shartnoma bo‘yicha xizmat o‘tayotgan shaxslar va harbiylar uchun);
• *akkreditatsion karta (diplomatik vakolatxonalar va missiyalarning xodimlari uchun);
• amaldagi turar joyi bo‘yicha ro‘yxatdan o‘tganligi haqidagi yozuv kiritilgan, chet el fuqarolarining O‘zbekistonda yashash huquqini tasdiqlovchi hujjat;
• amaldagi turar joyi bo‘yicha ro‘yxatdan o‘tganligi haqidagi yozuv kiritilgan, fuqaroligi bo‘lmagan shaxslar uchun yashash huquqini tasdiqlovchi hujjat yoki xorijga chiquvchi hujjat;
• amaldagi turar joyi bo‘yicha ro‘yxatdan o‘tganligi haqidagi yozuv kiritilgan, fuqaroligi bo‘lmagan shaxsning guvohnomasi;
• O‘zbekiston Respublikasi fuqarosining yangi namunadagi haydovchilik guvohnomasi;
• O‘zbekiston Respublikasi ID-kartasi.

* Akkreditatsion karta orqali ulanish faqat Kompaniya xodimlari tomonidan amalga oshiriladi.

Ishonch bildirilgan shaxs notarial tasdiqlangan ishonchnoma asosida Ishonch bildiruvchi nomidan shartnoma tuzish uchun, Ishonch bildirilgan kishining shaxsini tasdiqlovchi yuqorida sanab o‘tilgan amaldagi hujjatlardan birining aslini, Ishonch bildiruvchining shaxsini tasdiqlovchi yuqorida sanab o‘tilgan amaldagi hujjatlardan birining nusxasini, quyidagi ma’lumotlar va harakatlar albatta aks ettirilgan Ishonchnomaning aslini taqdim etishi lozim:

• Ishonchnoma berilgan joy va sana;
• Ishonch bildiruvchining va Ishonch bildirilgan shaxsning familiyasi, ismi va otasining ismi;
• pasport ma’lumotlari (pasportning seriya va raqami, berilgan vaqti va kim tomonidan berilganligi, amal qilish muddati);
• Ishonch bildiruvchi va Ishonch bildirilgan shaxsning doimiy yoki vaqtincha propiskasi (ro‘yxati) bo‘yicha yashash joyi;
• Ishonch bildirilgan shaxsga taqdim etilgan vakolatlar doirasi (aniq abonent raqam(lar)ini ko‘rsatgan holda);
• aniq abonent raqamining qo‘ng‘iroqlar tafsilotini olish uchun aniq davr ko‘rsatilishi;
• Ishonch bildiruvchining imzosi.


5-savol: "Raqam tanlash" xizmatining narxi qancha?

5-javob: "Raqam tanlash" xizmati bepul taqdim etiladi. Ammo, zaxiralangan raqamni ulatishda abonent o‘z hisobini kamida 10 000 so‘mga to‘ldirishi kerak, va zarur bo‘lsa, tanlangan tarif reja shartlariga muvofiq kunlik/oylik abonent to‘loviga teng bo‘lgan pul miqdoriga to‘ldirishi lozim.