Andijonda yakshanba, 29 mart kuni yirik yashil o‘zgarishlar kuni bo‘lib o‘tdi. "Ucell-Andijon" hududiy bo‘linmasining eko-volontyorlari odatiy dam olish kunini shaharni ko‘kalamzorlashtirishga qaratilgan keng ko‘lamli aksiyaga aylantirdilar.
Bir kunning o‘zida 800 tup daraxt: 400 tup yirik o‘lchamli katalpa hamda 200 tupdan shumtol va zarang ko‘chatlari o‘tqazildi. Bular shunchaki raqamlar emas, balki yangi xiyobonlar, jazirama kunlardagi salqin soya va mintaqaning ekologik kelajagiga qo‘shilgan hissadir.
Ucell shaharlarni yanada qulay, ozoda va zamonaviy qiladigan tashabbuslarni doimiy qo‘llab-quvvatlab keladi. Andijon esa hamjihatlikdagi sa’y-harakatlar atrof-muhitni bugunning o‘zidayoq o‘zgartirishi mumkinligining yana bir isbotidir.
Aksiyaning yakuniy qismi samimiy va barchani birlashtiruvchi bo‘ldi: an’anaviy osh damlanib, jo‘shqin “Andijon polkasi”ga raqs tushildi. Unda ishtirokchilar nafaqat bajarilgan ishdan quvonchni, balki bayramning umumiy zavq-shavqini ham baham ko‘rdilar. Bir kunlik tadbir doirasidan chiqib, barqaror o‘zgarishlarning bir qismiga aylanadigan tashabbuslar shu tariqa dunyoga keladi.
