Xususiy IP-manzil

Ucell korporativ mijozlar uchun yopiq tarmoqda, ommaviy Internet tarmog‘iga ulanmasdan ma’lumot uzatishni tashkil etish uchun yangi xizmat – “Xususiy IP-manzil”ni taqdim etadi.

Xususiy statik IP-manzillardan foydalanish quyidagilarga imkon beradi:

• belgilangan manzillardagi uskunalar bilan tarmoq infratuzilmasini bashorat qilinadigan va boshqariladigan shaklda tashkil etish;
• korporativ tarmoqni boshqarish, texnik xizmat ko‘rsatish va kengaytirishni soddalashtirish;
• ruxsatsiz tashqi kirish xavfini kamaytirish va umumiy axborot xavfsizligi darajasini oshirish.

“Xususiy IP-manzil” xizmati Internetga chiqmasdan obyektlar orasida ishonchli va barqaror aloqa talab qilinadigan holatlar – axborot tizimlari, server uskunalari, videokuzatuv tizimlari, telemetriya, IoT qurilmalari va boshqa yechimlarni ulashga mos keladi.

Xizmatga ulanish korporativ mijozning so‘rovi asosida amalga oshiriladi. Ulashning moslashuvchan parametrlari va har bir loyiha uchun individual yondashuv xizmatni mijozning aniq biznes-vazifalariga moslashtirish imkonini beradi, Ucell mutaxassislari tomonidan taqdim etiladigan texnik qo‘llab-quvvatlash esa xizmatning barcha foydalanish bosqichlarida ishonchli ishlashini ta’minlaydi.