Ucell kompaniyasi mobil va keng polosali tarmoqlar tahlili sohasidagi jahon yetakchisi – Ookla® kompaniyasining Speedtest Intelligence® servisi ma’lumotlar tahlili natijalariga ko‘ra O‘zbekistondagi “Eng tezkor mobil internetli» va “Eng yaxshi mobil tarmoqli» operator sifatida rasman e’tirof etildi.
Ucell 2025-yilning ikkinchi yarmi uchun biryo‘la ikkita muhim xalqaro mukofotni qo‘lga kiritdi:
O‘zbekistondagi eng yaxshi mobil tarmoq (Best Mobile Network)
O‘zbekistondagi eng tezkor mobil internet (Fastest Mobile Network)
Uzbekistan – 2025 Speedtest Awards
“Best Mobile Network” nominatsiyasi qanday aniqlanadi
Ookla® g‘oliblarni aniqlash uchun qat’iy va shaffof metodologiyadan foydalanadi; u esa veb- hamda mobil platformalarda foydalanuvchilar tomonidan o‘tkazilgan millionlab Speedtest® testlaridan shakllanuvchi Speedtest Intelligence® ma’lumotlariga asoslangan. O‘zbekistonning barcha mobil operatorlari mazkur ma’lumotlarda butun mamlakat bo‘ylab o‘tkazilgan ko‘p miqdordagi testlar bilan taqdim etilgan. 2025-yilning ikkinchi yarmi yakunlariga ko‘ra:
Speed Score Ucell ko‘rsatkichi – 59,73, bu esa kompaniya mamlakatda mobil internet tezligi bo‘yicha birinchi o‘rinni olishini ta’minladi.
Speedtest Connectivity Score ko‘rsatkichi – 72,04, bozorda eng yuqorisi bo‘lgan mazkur ko‘rsatkich Ucellning Best Mobile Network mukofotini olishiga imkon berdi.
Nimaga Ucell – eng yaxshi mobil tarmoq
Best Mobile Network mukofoti Speedtest Connectivity Score ko‘rsatkichi eng yuqori bo‘lgan operatorga beriladi va u quyidagilar asosida shakllantiriladi:
50% – umumiy tezlik (Speed Score)
25% – veb-serfing sifati
25% – videostriming sifati
Bunday yondashuv alohida olingan eng yuqori tezliklarni emas, balki haqiqiy foydalanuvchi tajribasini – aynan abonentlar har kuni duch keladigan holatlarni baholash imkonini beradi.
Stiven Bay, Ziff Davis bo‘linmasi Ookla prezidenti va bosh direktori:
“Biz Ucellga eng tezkor mobil internet uchun ketma-ket to‘rtinchi marta “Speedtest Award” mukofotini, shuningdek O‘zbekistonda 2025-yil III–IV choraklari yakunlariga ko‘ra “Best Mobile Network” mukofotini topshirishdan mamnunmiz. Mazkur e’tirof raqamli transformatsiya yo‘lida faol ildamlayotgan Ucellning mamlakatda yuksak sifatli aloqani ta’minlashga bo‘lgan intilishini ta’kidlaydi. Kompaniyaning yetakchilik sifatlari O‘zbekistonda mobil tarmoqning yangi standartini shakllantiradi.
Butun mamlakat bo‘ylab millionlab abonentlar tanlovi
Bugungi kunda Ucell xizmatlaridan butun O‘zbekiston bo‘ylab 10,5 milliondan ortiq abonentlar foydalanmoqda.
Bu g‘alaba – har kuni barqaror aloqa, yuqori tezlik va mobil internet sifatini tanlayotgan millionlab foydalanuvchilarning ishonchlari natijasidir.
30 yillik taraqqiyot, innovatsiyalar va olg‘a harakat
2026-yil – kompaniya uchun muhim sana: Ucell O‘zbekiston telekommunikatsiya bozoridagi 30 yilligini nishonlaydi.
Uchta o‘n yillik mobaynida kompaniya mamlakatdagi ilk mobil aloqa operatorlarining biridan to mobil aloqa texnologiyalarini va tarmoq infratuzilmasini muntazam rivojlantirayotgan O‘zbekistonning eng yirik telekommunikatsiya operatorlaridan biri darajasigacha bo‘lgan yo‘lni bosib o‘tdi. Ookla® kompaniyasidan olingan xalqaro e’tirof esa uzoq muddatli taraqqiyot strategiyasining, infratuzilmaga kiritilayotgan investitsiyalarning va doimo diqqatni mijozlar talablariga yo‘naltirishning davomi bo‘ldi. Ucell tarmoqni rivojlantirishda, zamonaviy texnologiyalarni joriy qilishda va xizmat ko‘rsatish sifatini yaxshilashda davom etaveradi; toki har bir abonent – hududidan qat’i nazar – xalqaro darajadagi mobil internetdan foydalana olsin.
Biz shunchaki aloqa bilan ta’minlamaymiz.
Biz insonlarni, imkoniyatlarni va mamlakatning raqamli kelajagini birlashtiramiz.
Ucell — O‘zbekistonda Ookla® kompaniyasining “Fastest Mobile Network” hamda “Best Mobile Network” mukofotlari sohibi.
Ookla® Speedtest Awards, 2H 2025 ma’lumotlari bo‘yicha. Uzbekistan – 2025 Speedtest Awards
*2025-yil ikkinchi yarmiga (Q3–Q4 2025) oid Speedtest Intelligence® ma’lumotlari bo‘yicha Ookla® kompaniyasi tahlili asosida. Ookla savdo belgilari litsenziya bo‘yicha va huquq egasining ruxsati bilan qo‘llanmoqda.