“Qo‘ng‘iroqlar tafsiloti” xizmatini taqdim etish shartlari

Xizmatga ulanish	0 so‘m
Har vaqt abonent talabiga binoan xizmatni taqdim etish. Bir oyiga	50 000 so‘m
Oylik Qo‘ng‘iroqlar tafsilotini taqdim etish (tafsilot davri – o‘tgan oy)	50 000 so‘m
Korporativ mijozlar uchun xizmatning bir martalik ta'minoti 1 raqam uchun (tafsilotlar davri - 1 oy)	4210 so‘m

Qo‘ng‘iroqlaringizning to‘liq tafsilotini olish uchun shahsan o‘zingiz Kompaniyaning ofislariga shaxsini tasdiqlovchi hujjat bilan kelishingiz lozim.
Аbonent shaxsini tasdiqlovchi hujjatlar:

O‘zbekiston Respublikasi fuqarolik pasporti;
Xorijiy fuqaro pasporti;
Ofitser guvohnomasi;
Akkreditatsion karta (diplomatik vakolatxonalar va missiyalarning xodimlari uchun);
Xorijiy fuqarolar uchun yashash huquqini tasdiqlovchi hujjat;
Fuqaroligi bo‘lmagan shaxslar uchun yashash huquqini tasdiqlovchi yoki xorijga chiquvchi hujjat;
Fuqaroligi bo‘lmagan shaxsning amaldagi guvohnomasi;
Yangi namunadagi milliy haydovchilik guvohnomasi;
O‘zbekiston Respublikasi fuqarosining ID-kartasi.

Shundagina siz “Qo‘ng‘iroqlar tafsiloti” xizmatidan foydalanishingiz mumkin. Shu borada Abonent (Ishonch bildiruvchi) vakili bo‘lish uchun yoki uning nomidan ish tutish uchun Kompaniyaga murojaat qilib Ishonchnoma taqdim etganingizda, pasportingiz yoningizda bo‘lishi hamda quyidagi ma’lumot va harakatlar Ishonchnomada albatta aks ettirilgan bo‘lishi kerak:

Ishonchnoma berilgan joy va sana;
Ishonch bildiruvchi va Ishonchli vakilning familiyasi, ismi va otasining ismi;
Pasprot ma’lumotlari (seriya va raqami, berilgan sana\kim tomondan berilganligi, amal qilish muddati);
Ishonch bildiruvchi va Ishonchli vakilning doimiy yoki vaqtinchalik propiska (ro‘yxat) bo‘yicha yashash joyi;
Ishonchli vakilga berilgan vakolatlar doirasi (aniq abonent raqam(lar)ini ko‘rsatgan holda);
Abonent raqamining qo‘ng‘iroqlar tafsilotini olish uchun aniq davri;
Ishonch bildiruvchining imzosi;
Ishonch bildiruvchining pasport nusxasi;
Ishonchli vakil pasportining asl nusxasi.

Agar siz yuridik shaxs (kompaniya, firma, HT, MChJ va hokazo) bo‘lsangiz, unda “Qo‘ng‘iroqlar tafsiloti” xizmatini taqdim etish uchun tafsilotni qabul qiluvchi aniq bir shaxsni belgilab (shaxsni bildiruvchi hujjatlari bilan),arizani to‘ldirishingiz kerak.

Kompaniya tomonidan “Qo‘ng‘iroqlar tafsiloti”, “Yangi Shartnoma tuzish”, “Shartnomani qaytadan tuzish” va “Shartnomani bekor qilish” kabi xizmatlar Abonentning ma’lumotnomasi/№9* shakli asosida taqdim etilmaydi.

*Ma’lumotnoma/ №9 shakl – pasport yo‘qotilganda ichki ishlar idoralari tomonidan berilgan fotosuratli ma’lumotnoma, ort tarafida vaqtinchalik yoki doimiy propiska shtampi qo‘yilgan bo‘lsihi kerak. Ma’lumotnoma 6 oygacha bo‘lgan muddatga beriladi.

Aloqa

Internet

Qo'llab-quvvatlash

Internet-do'kon

Kompaniya haqida

Karyera

Telefon kodlari