“Katta Doimiy Start”, “Katta Doimiy 55”, “Katta Doimiy 70” tariflariga abonementlar

1. «Katta Doimiy Start», «Katta Doimiy 55» yoki «Katta Doimiy 70» tarif rejalari bo‘yicha abonement ulangan abonentlarga Prepaid tizimidagi boshqa ochiq tarif rejalarga o‘tish imkoniyati mavjud.

Muhim! Boshqa tarif rejasiga o‘tilgan taqdirda abonement shartlari bekor qilinadi.

2. Abonent to‘lovi yechib olinishi va limitlar taqdim etilishi:

- Abonement 3, 6 yoki 12 oyga taqdim etiladi;

- Tanlangan abonementga muvofiq, balansda yetarli mablag‘ mavjud bo‘lsa, to‘lov yechib olinadi va limitlar oylik asosida to‘liq (masshtablanmagan holda) tayinlanadi;

- Abonent to‘lovi uchun balansda mablag‘ yetarli bo‘lmaganda, to‘lov yechilmaydi, trafik limitlari tayinlanmaydi, abonent raqami balansi manfiyga tushmaydi;

- 3, 6 yoki 12 oylik abonement muddati tugagandan so‘ng, abonent to‘lovi tarif rejasining tijorat shartlariga muvofiq har oyda yechib boriladi.

3. Tarif reja shartlariga muvofiq berilgan oylik limitlar tayinlangan kundan boshlab 1 oyga taqdim etiladi. Joriy davrda tayinlangan oylik limit qoldiqlari keyingi davrga o‘tkazilmaydi.

4. Tarif rejasi bo‘yicha abonement amal qilish davrida Restart xizmati faollashtirilmaydi.

5. «Raqamni saqlash» xizmati faollashtirilmaydi.

6. «Katta Doimiy Start», «Katta Doimiy 55» yoki «Katta Doimiy 70» tariflari bo‘yicha abonement ulagan abonentlar uchun «Istalgan raqam» va «Muddatli to‘lovga chiroyli raqam» xizmatlari bo‘yicha yangi raqam ulash mavjud emas.

7. «Qadrdonlar!» sodiqlik dasturi va «U+» sodiqlik dasturi «Katta Doimiy Start», «Katta Doimiy 55» yoki «Katta Doimiy 70» tariflari bo‘yicha abonement ulagan abonentlar uchun mavjud.

8. Abonement doirasida berilgan limitlar roumingda bo‘lgan abonentlar uchun amal qilmaydi.

9. Boshqa tarif rejasiga o‘tilganda, abonent shartnomasi muddatidan oldin bekor qilinganda yoki abonent xohishi bilan ushbu xizmatdan voz kechilganda, abonement uchun to‘langan mablag‘ qaytarilmaydi va qayta hisob-kitob qilinmaydi.