“Foydali Plus” tarifiga yangidan ulanish va o‘tish imkonsiz

“Foydali Plus” – Kompaniyaning Prepaid tizimi abonentlari uchun tarif rejasi bo‘lib, shartlari quyidagicha:

1. Tarif rejalari yangi ulanishlar hamda Prepaid tizimi abonentlari o‘tishlari (USSD *120#) uchun ochiq.
2. Oylik abonent to‘lovining yechilishi va limitlarning belgilanishi:
- Abonentning tarif rejasiga ulanish sanasi oylik davrda oylik abonent to‘lovining yechilish sanasi hisoblanadi.
- Tarif rejasiga yangi ulanishda, agar abonent hisobida yetarlicha mablag‘ bo‘lsa, oylik abonent to‘lovi va limitlar to‘liq hajmda (qolgan kunlar uchungina emas) yechiladi va belgilanadi.
- Hisob manfiy holatda bo‘lsa yoki unda tarif bo‘yicha oylik abonent to‘lovining yechilishi uchun mablag‘ yetarli bo‘lmasa, u holda abonent to‘lovi yechilmaydi, tarifda belgilangan limitlar belgilanmaydi, abonent raqamining hisobi qarzga kirmaydi.
- Oylik abonent to‘lovi tarif rejasi bo‘yicha oylik abonent to‘lovi samarali yechilgan kundan boshlab oyiga bir martalik oraliqda yechiladi. Oylik abonent to‘lovining navbatdagi yechilish sanasi tarif rejasi bo‘yicha abonent to‘lovining so‘nggi marta samarali yechilgan kuni hisoblanadi.
- Tarif rejasi doirasida navbatdagi oylik abonent to‘lovining yechilishi hamda limitlarning belgilanishi soat 00:00 dan 08:00 gacha bo‘lgan davrda (yechilish vaqti qat’iy belgilanmagan) amalga oshadi. Oylik abonent to‘lovining to‘liq hajmda yechilishi uchun abonent hisobida yetarli miqdorda mablag‘ bo‘lishi kerak.
- Agar oylik abonent to‘lovining yechilish paytida abonent hisobida oylik abonent to‘lovi qiymatidan kam mablag‘ qolgan bo‘lsa, u holda abonent raqami bloklanadi. Toki hisobda abonent to‘lovining to‘liq hajmda yechilishi uchun yetarli miqdorda mablag‘ bo‘lmagunicha abonent to‘lovi yechilmaydi.
- Abonent hisobi abonent to‘lovining to‘liq hajmda yechilishi uchun yetarli miqdorga to‘ldirilishi bilan oylik abonent to‘lovi darhol yechiladi. Abonent to‘lovi yechilishi bilan abonent raqami Faol holatga o‘tadi va tarif rejasi shartlariga muvofiq limitlar belgilanadi. Keyin oylik abonent to‘lovi abonentning yangi oylik davriga muvofiq yechiladi, ya’ni, tarif rejasi bo‘yicha navbatdagi oylik abonent to‘lovining yechilishi tarif rejasi bo‘yicha oylik abonent to‘lovi so‘nggi marta samarali yechilgan kundan boshlab bir oylik oraliqda amalga oshadi.
3. Tarif rejasi doirasidagi oylik limitlar joriy davr uchun tarif bo‘yicha oylik abonent to‘lovi samarali yechilganidan keyingina belgilanadi. Tarif rejasi shartlariga ko‘ra oylik limitlar belgilangan kunidan boshlab 1 oy muddatga taqdim etiladi. Tarif rejasiga ko‘ra abonent to‘lovi o‘z vaqtida to‘lansa, oylik limitlarning qoldiqlaridan yangi davrda ham foydalanish mumkin bo‘ladi va ular sarflab tugatilguniga yoki amal qilish muddati tugaguniga qadar amal qiladi.
- Agarda oylik abonent to‘lovi o‘z vaqtida yechilmasa, u holda limitlarning oldingi hisob-kitob davrida ishlatilmay qolgan qoldiqlari bekor qilinadi.
- Tushunmovchiliklarning oldini olish uchun, albatta oldindan hisobni oylik abonent to‘lovining to‘liq hajmda yechilishi uchun yetarli miqdorga to‘ldirishni va tarif rejasi bo‘yicha limitlar belgilanganligini *100# USSD-so‘rovi yordamida tekshirib olishni tavsiya etamiz.
- Raqam Bloklangan holatida tarif rejasini almashtirib bo‘lmaydi.
- Agar abonent hisobida boshqa ochiq tarif rejasining abonent to‘lovini + o‘tish qiymatini (agar tarif rejasiga o‘tish pullik bo‘lsa) yechishga yetarli mablag‘ bo‘lsa, tarif rejasini ruxsat etilgan barcha usullar orqali almashtirish mumkin.
- Bloklangan holatda abonent oylik internet-to‘plamlar shartlariga ko‘ra limitlar qoldiqlaridan toki ularning amal qilish muddati tugaguniga qadar foydalana oladi (qoldiq mavjud bo‘lsa).
- Tarif rejasi doirasidagi oylik limitlar sarflab tugatilgach, qo‘ng‘iroqlar va SMSlar tarif rejasi shartlariga ko‘ra yo‘nalishlar bo‘yicha limitdan tashqari qiymatiga muvofiq narxlanadi.
- Tarif rejasi va qo‘shimcha internet-to‘plamlar doirasidagi oylik internet-trafik limitlari sarflab tugatilgach, internetga kirish imkoni to‘xtatiladi. Internetdan foydalanishni davom ettirish uchun, abonent quyidagi opsiyalardan birini tanlashi va unga muvofiq internetdan foydalanishda davom etishi lozim bo‘ladi:

• Tarif bo‘yicha limitlarni yangilash (“Restart” xizmatini faollashtirish);
• Internet-to‘plam xarid qilish;
• 1 MB uchun limitdan tashqari narx bo‘yicha mobil internetni faollashtirish*

* Agar abonent 1 MB uchun limitdan tashqari narx bo‘yicha mobil internetni faollashtirish opsiyasini tanlasa, keyin Oylik internet-to‘plam xarid qilsa, u holda qo‘shimcha to‘plam limitlari tugaganidan so‘ng toki tarif bo‘yicha abonent to‘lovining navbatdagi yechilishiga qadar internet tarif rejasi shartlariga muvofiq 1 MB uchun limitdan tashqari narx bo‘yicha narxlanadi.

“1 MB uchun limitdan tashqari narx bo‘yicha mobil internetni faollashtirish” opsiyasini abonent *727# USSD-so‘rovi yordamida mustaqil tarzda ham tanlashi mumkin.

Internetga kirish cheklangan holatida to‘lov ilovalaridan offline rejimida foydalanmoqchi bo‘lsa, ularning to‘g‘ri ishlashi uchun abonent o‘z qurilmasida ma’lumot uzatish rejimini o‘chirishi lozim.

E’tibor qiling:
- Abonent to‘lovi belgilangan sanada o‘z vaqtida yechilgan va tarif rejasiga ko‘ra yangi davr uchun limitlar belgilangan taqdirda, agar oldingi davrdan qolgan limitlar mavjud bo‘lsa, ular navbatdagi bitta davrga ko‘chirib o‘tkaziladi va toki sarflab tugatilguniga yoki amal qilish muddati tugaguniga qadar ulardan foydalanish mumkin bo‘ladi.
4. “Foydali Plus” tarif rejasi abonentlari “Qadrdonlar!” sodiqlik dasturidan “Izzatli” toifasida foydalana oladilar.
- “Foydali Plus” tarif rejasi abonentlari uchun “U+” sodiqlik dasturi amal qiladi. Tarif rejasi bo‘yicha oylik abonent to‘lovi to‘langanida, abonentga 1500 promo birlik hajmida keshbek taqdim etiladi.
5. Tarif rejalari shartlariga ko‘ra taqdim etilgan daqiqalar “O‘zbektelekom” AKning axborot-ma’lumot xizmatlariga, kontent-provayderlarning axborot-ko‘ngilochar xizmatlariga va xalqaro yo‘nalishlardagi qo‘ng‘iroqlarga sarflanmaydi.

6.“O‘zbektelekom” AK xizmatlari. Narxlash ushbu havoladagi jadvalda ko‘rsatilgan narxlar asosida, har bir ulanish uchun amalga oshiriladi: https://ucell.uz/ru/services/jsc_uzbektelecom , (limitlar bo‘lsa, limitlar sarflanmaydi. Tarif rejasi shartlariga muvofiq limitdan tashqari narx bo‘yicha abonent balansidan yechiladi). Qo‘ng‘iroqning bir daqiqasi sizning tarif rejangizga muvofiq daqiqalab, ulanishning 1-soniyasidan boshlab, to‘liq daqiqagacha yaxlitlanib narxlanadi. Abonentlar bu yerda tanishishlari mumkin https://ucell.uz/ru/services/jsc_uzbektelecom

7. Tarif rejalari doirasida taqdim etilgan limitlar roumingdagi abonentlar uchun amal qilmaydi.
8. “Foydali Plus” tarif rejasi abonentlari uchun “Raqamni saqlab qolish”, Yangi oylik internet-to‘plamlar, “Metroda Ucell cheksiz internet to‘plamlari” (faqat “Cheksiz 30 kun” to‘plami) xizmatlari, “Al Chiroq” aksiyasi, “Oylik 4G internet-to‘plamlar”, “Sizga qo‘ng‘iroq qilishdi”, “Trafik +”, “Tungi internet- to‘plamlar”, “Xalqaro SMS-to'plamlar”, SMS-to‘plamlar amal qiladi.
9. “Foydali Plus” tarif rejasi abonentlari uchun “Raqamni saqlab qolish”, Yangi oylik internet-to‘plamlar, “Metroda Ucell cheksiz internet to‘plamlari” (faqat “Cheksiz 30 kun” to‘plami), “Internet-sovg‘a” xizmatlari, “Al Chiroq” aksiyasi amal qiladi.
10. “Foydali Plus” tarif rejasi abonentlari uchun “Tarmoq ichida qulay” hamda “O‘zbekiston bo‘yicha qulay” to‘plamlari, Kunlik va Haftalik internet-to‘plamlar, “Tungi internet”, “Soatbay internet” hamda “Oylik 4G internet-to‘plamlar” amal qilmaydi.
11. Boshqa tarif rejalaridan “Foydali Plus” tarif rejasiga o‘tilsa oldingi tarif rejasiga ko’ra avval belgilangan limitlar bekor qilinadi.

“Foydali Plus” tarif rejasi abonentlari uchun “Restart” xizmatining shartlari

1. “Restart” xizmati *222# USSD-so‘rovi yordamida faollashtiriladi.
2. “Restart” xizmatidan raqami Faol holatda bo‘lgan abonentlar foydalana oladilar.
3. “Restart” xizmati abonentga mustaqil tarzda oylik abonent to‘lovining yechilishini tashkillashtirish hamda tarif rejasi shartlari bo‘yicha oylik limitlarni olish imkonini taqdim etadi. “Restart” xizmati samarali faollashtirilganidan so‘ng abonentning oylik davri mazkur xizmatning so‘nggi marta samarali faollashtirish sanasiga muvofiq yangilanadi.
4. “Restart” xizmatini faollashtirganidan so‘ng abonent hisobidan to‘liq qiymatda oylik abonent to‘lovi yechiladi va abonentning tarif rejasi doirasida to‘liq oylik limitlar belgilanadi. Keyin, abonentda oylik abonent to‘lovi abonentning yangi oylik davriga muvofiq yechiladi. Oylik abonent to‘lovining yechilishi va oylik limitlarning belgilanishi shartlari abonentning tarif rejasi shartlariga muvofiq amalga oshiriladi.
5. Xizmatni faollashtirish uchun abonent hisobida oylik abonent to‘lovining to‘liq hajmda yechilishi uchun yetarli miqdorda mablag‘ bo‘lishi lozim. “Restart” xizmatini faollashtirganidan so‘ng tarif bo‘yicha abonent to‘lovi yechiladi va to‘liq hajmda limitlar belgilanadi.
6. “Restart” xizmati samarali faollashganida, tarif rejasi doirasida oldin belgilangan limitlar (O‘zbekiston bo‘yicha daqiqalar va MBlar) qoldiqlari bekor qilinadi.
7. Tarif rejasi bo‘yicha oylik abonent to‘lovining yechilish kunida “Restart” xizmatini faollashtirib bo‘lmaydi.
8. “Restart” xizmatidan sutkasiga faqat 1 marta (joriy sutkaning boshidan, 00:00 dan 23:59 gacha) foydalanish mumkin.

Narxlar soliqlar hisobga olingan holda ko‘rsatilgan.

Foydali Plus

Tarifga quyidagilar kiradi

Tarif haqida ma'lumot

Narxlash

Qo‘shimcha ma’lumot

Aloqa

Internet

Qo'llab-quvvatlash

Internet-do'kon

Kompaniya haqida

Karyera

Telefon kodlari