2026 yilda Ucell kompaniyasi O‘zbekiston telekommunikatsiya bozorida faoliyat boshlaganining 30 yilligini nishonlamoqda. Ushbu yubiley munosabati bilan operator abonentlar uchun yanada keng imkoniyatlarni taqdim etuvchi maxsus aksion tarif — BOR 70 ni ishga tushirdi.
Yangi taklifning asosiy afzalligi — internet trafikining ikki baravar ko‘paytirilgan hajmi. Endilikda abonentlar oyiga atigi 70 000 so‘m evaziga 140 GB mobil internet olishlari mumkin. Aksion tarif faqat yangi ulanishlar uchun amal qiladi va kompaniyaning yubiley yiliga bag‘ishlangan.
BOR 70 tarifiga quyidagilar kiradi:
• 140 GB mobil internet
• Cheksiz tungi internet
• MDH davlatlarida rouming uchun 1 GB internet
• OVVA TV uchun tariflanmaydigan internet trafiki
• O‘zbekiston bo‘yicha cheksiz qo‘ng‘iroqlar
• O‘zbekiston bo‘yicha 1500 SMS
Kengaytirilgan internet limiti abonentlarga mobil internetdan haqiqiy erkinlik bilan foydalanish imkonini beradi: video tomosha qilish, ijtimoiy tarmoqlardan faol foydalanish, onlayn ishlash va har doim aloqada bo‘lish.
Yubiley tarifining ishga tushirilishi bejiz emas. 2026 yilda Ucell kompaniyasi xalqaro mustaqil tahlil kompaniyalari — Opensignal va Ookla tomonidan beshta nufuzli mukofotga sazovor bo‘ldi. Ushbu mukofotlar operatorning O‘zbekistonda mobil internet tezligi va tarmoq sifati bo‘yicha yetakchi ekanini yana bir bor tasdiqladi. Jumladan, kompaniya Fastest Mobile Network, Best Mobile Network, Most Consistent Network Quality va The Most Reliable Network kabi nominatsiyalarda g‘olib deb topildi.
Xalqaro e’tirof va yangi mahsulotlarning ishga tushirilishi kompaniyaning tarmoq sifatini doimiy ravishda rivojlantirish va mamlakat bo‘ylab millionlab foydalanuvchilar uchun yanada qulay xizmatlar yaratishga qaratilgan strategiyasining natijasidir.
Yubileyga bag‘ishlangan BOR 70 tarifi — bu Ucell abonentlariga minnatdorlik bildirish va ularga tezkor hamda ishonchli mobil internet imkoniyatlarini to‘liq his qilish uchun yaratilgan yana bir qulay taklifdir.