Ucell korporativ mijozlar uchun yangi xizmat — «Xususiy IP manzil»ni ishga tushiradi. Ushbu xizmat mijozning korporativ tarmog‘ida ichki statik IP-manzillar orqali ma’lumot uzatishni tashkil etish uchun mo‘ljallangan.
Xizmat server uskuna, video kuzatuv tizimlari, telemetriya va boshqa biznes-yechimlarni birlashtirish zarur bo‘lgan kompaniyalar uchun mo‘ljallangan bo‘lib, tarmoq ichidagi qurilmalar o‘rtasida barqaror o‘zaro aloqani va belgilangan manzillanishni ta’minlaydi. Ta’minlangan ichki statik IP-manzillar faqat mijozning korporativ infratuzilmasi doirasida ishlatiladi, bu esa izolyatsiyalangan va himoyalangan tarmoq yechimlarini yaratishga imkon beradi.
Xizmatni ulash korporativ mijozning so‘rovi asosida amalga oshiriladi. Ulashning moslashuvchan parametrlari va har bir loyiha uchun individual yondashuv xizmatni mijozning aniq biznes-maqsadlariga moslashtirishga imkon beradi, Ucell mutaxassislari tomonidan taqdim etiladigan texnik qo‘llab-quvvatlash esa xizmatning barcha foydalanish bosqichlarida ishonchli ishlashini ta’minlaydi.
Ucell korporativ yechimlar liniyasini rivojlantirishni davom ettiradi va zamonaviy telekommunikatsiya infratuzilmalarini yaratish uchun ishonchli va xavfsiz vositalarni taklif qiladi.