Hisobdagi pul miqdori 0 so‘mgacha pasayganida yoki tariff reja shartlariga ko’ra tarif rejasi bo‘yicha oylik abonent to‘lovi yechilishi paytida hisobda yetarlicha mablag‘ bo‘lmaganida abonent raqami bloklanadi.

Bloklangan holatda:
- Aloqa xizmatlaridan foydalanish, tarif rejasini almashtirish, qo‘shimcha pullik xizmatlar foydalanish imkoni yo‘q;
- Bloklangan holatga o‘tgandan keyingi 80 kungacha bepul kiruvchi qo‘ng‘iroqlar va SMS-xabarlar, IVR xizmatiga qo‘ng‘iroqlar, favqulodda chaqiruv raqamlariga va xizmat raqamlariga qo‘ng‘iroq qilish, hisobni to‘ldirish imkoni mavjud (agar muayyan tarif rejasi doirasida qo‘shimcha taqiqlar bo‘lmasa).

Agar abonent bloklash paytidan keyingi 80 kun mobaynida hisobini to‘ldirmasa, 81-kundan boshlab IVR xizmatiga qo‘ng‘iroqlar, favqulodda chaqiruv raqamlariga va xizmat raqamlariga chiquvchi qo‘ng‘iroqlardan tashqari barcha qo‘ng‘iroqlar bloklanadi. Har qanday SMS-xabarlarni qabul qilish imkoniyati saqlanib qoladi.

Agar Bloklangan holatda bo‘lish muddati tugagunga qadar abonent o‘z hisobini to‘ldirmasa, Shartnoma bekor qilinadi va telefon raqami Kompaniya ixtiyoridagi bo‘sh raqamlar ro‘yxatiga o‘tadi.

Bunday holatda, Ucell xizmatlaridan qayta foydalanishi uchun abonent Prepaid tizimiga qayta ulanishi lozim bo‘ladi.

Uyali radiotelefon aloqasi xizmatlarini taqdim etish shartnomasining 3.1.2.1., 3.1.2.2., 3.1.3. - bandlariga asosan Kompaniya tomonidan xizmat ko’rsatilishi cheklangan/to‘xtatilgan abonent raqamlarining bloklanish muddati 30 taqvimiy kunni tashkil etadi.

Abonent bloklangan abonent raqamlarini qayta tiklashi uchun, bloklangan vaqtdan e’tiboran 30 kun ichida shaxsini tasdiqlovchi hujjat va bloklangan raqam SIM-kartasi bilan Kompaniya ofislaridan biriga murojaat qilishi kerak.

Agar raqam statsionar tarmoqqa va IP-telefoniya tarmoqlariga shlyuzlar o‘rnatish uchun, kompyuter tizimiga, shuningdek telekommunikatsiya tarmoqlariga noqonuniy (ruxsatsiz) kirish huquqini olish uchun maxsus vositalarni sotish yoki tarqatish maqsadida ishlab chiqarish, o‘rnatilgan himoya tizimlarini aylanib o‘tib xalqaro trafikdan foydalanish va uni o‘tkazish maqsadida telekommunikatsiya tarmoqlariga noqonuniy (ruxsatsiz) kirish, shuningdek, ushbu maqsadlarga mo‘ljallangan maxsus dasturiy yoki apparat vositalarining ishlashi uchun sharoitlar yaratish va ularni saqlash hamda Kompaniya jihozlarining yoki aloqa qurilmalarining ish qobiliyati buzilishiga olib kelishi mumkin bo‘lgan boshqa holatlar uchun ishlatilgan bo‘lsa, u holda bu abonent raqami blokdan chiqarilmaydi. Bloklanganidan keyin 30 kun o‘tgach, mazkur raqam tarmoqdan o‘chiriladi, Shartnoma esa Kompaniya tomonidan bir tomonlama tartibda bekor qilinadi.

Agar abonent raqami lotereyalar, ovoz berishlar, tanlovlar, reklama, so‘rovnomalar, ommaviy tarqatmalar o‘tkazilganligi sabab bloklangan bo‘lsa, u holda abonent raqamini blokdan chiqarishni so‘rab va bundan keyin raqamdan mazkur maqsadlarda foydalanmasligini ko‘rsatib, Kompaniyaga ariza berishi kerak. Kompaniya raqamni blokdan chiqarishni rad etish va bloklangan vaqtdan keyin 30 kun o‘tgach, ushbu abonent raqamini bir tomonlama tartibda tarmoqdan o‘chirish huquqiga ega.

Aloqa

Internet

Qo'llab-quvvatlash

Internet-do'kon

Kompaniya haqida

Karyera

Telefon kodlari