© 2026 ООО «COSCOM»
Barcha huquqlar himoyalangan. Xizmatlar litsenziyalangan.
Saytimizdan foydalanishda davom etib, siz Cookies fayllarni va
boshqa foydalanuvchi ma’lumotlarini ko‘rib chiqishga rozilik berasiz.
01.11.2019 gacha Ucell uyali aloqa tarmog‘iga ulangan qurilmalar avtomatik tarzda ro‘yxatga olingan.
01.11.2019 dan e’tiboran Ucell uyali aloqa tarmog‘iga ulangan yangi qurilmalarni mustaqil tarzda ro‘yxatdan o‘tkazish lozim (01.12.2019 gacha bepul).
01.12.2019 dan Ucell uyali aloqa tarmog‘iga ulangan yangi qurilmalarni mustaqil tarzda, pulli asosda ro‘yxatdan o‘tkazish kerak bo‘ladi.
O‘z qurilmangizning IMEI-kodini bilish - *#06#
Abonent qurilmasi IMEI-kodining holatini tekshirish usullari: *1170#
Tilni tanlang
Holatni tekshiring
IMEI kodini kiriting
IMEI-kodni 1170 raqamiga SMSda yuborish
Muhim!
1170 raqami orqali IMEIni faollashtirish kodi:
faqat abonent raqami faol holatida mavjud.
"M2M", "M2M Humo", "Terminal", "M2M Online 5000", "M2M Online 9000", Ovoz 15, Webkassa 13000 tarif rejalariga ulangan yangi abonentlar 30 kun ichida foydalana olmaydilar. 1170 raqamidan faollashtirish kodini olish uchun amaldagi tarifni boshqa tijoriy tarifga (М2М tariflar tizimi istasno) o‘zgartirish lozim. Qolgan barcha ochiq tijoriy tarif rejalarida IMEI-kodni ro‘yxatdan o‘tkazish mumkin.
IMEI-kodni ro‘yxatdan o'tkazish
Yangi reglamentga muvofiq, 2024-yil 20-dekabrdan boshlab, chet eldan mamlakatga kelayotgan shaxslar mobil qurilmalarning IMEI-kodini ro‘yxatdan o‘tkazish uchun tegishli bojxona postlarida (shu jumladan havo, piyoda, avtotransport va temiryo‘l postlarida) yo‘lovchi bojxona deklaratsiyasini to‘ldirishlari shart bo‘ladi. Bojxona qo‘mitasi bu haqda chegara postlarida tegishli e’lonlarni joylashtirdi.
Deklaratsiya rasmiylashtirilganidan so‘ng, u bojxona ma’lumotlar bazasiga kiritiladi. Mobil qurilmani ro‘yxatdan o‘tkazishda UzIMEI tizimi deklaratsiyaning mavjudligini tekshiradi va uni aynan shu fuqaroning chegarani kesib o‘tish ma’lumotlari bilan solishtiradi (tizim bojxona bazasi bilan integratsiyalashgan). Agar deklaratsiya tasdiqlansa, qurilmani ro‘yxatdan o‘tkazish samarali yakunlanadi.
Deklaratsiya qanday to‘ldiriladi:
• F.I.O. va pasport ma’lumotlaringizni ko‘rsating.
• Blankning orqa tomonida o‘zingiz ro‘yxatdan o‘tkazmoqchi bo‘lgan telefon rusumi va IMEI-kodini ko‘rsating.
Bilish muhim:
• 2 donagacha va narxi 2000 AQSh dollarigacha bo‘lgan mobil qurilmalar bepul ro‘yxatdan o‘tkaziladi.
• Agar qurilmalar narxi ko‘rsatilgan miqdordan yuqori bo‘lsa, bojxona keyin ro‘yxatdan o‘tkazish uchun qoldiq qiymatni aniqlaydi.
Deklaratsiya rasmiylashtirilganidan so‘ng, u bojxona ma’lumotlar bazasiga kiritiladi. Mobil qurilmani ro‘yxatdan o‘tkazishda UzIMEI tizimi ma’lumotlarni tekshiradi va, agar deklaratsiya tasdiqlansa, qurilmani ro‘yxatdan o‘tkazish samarali yakunlanadi.
Chegara postida deklaratsiya to‘ldirilmagan bo‘lsa nima qilish kerak:
• Agar deklaratsiya to‘ldirilmagan bo‘lsa, qurilmani UzIMEI saytida ro‘yxatdan o‘tkazishga urinishda tegishli belgi aks etadi.
• Bu holatda davlat bojini (bojxona kirim orderi – BKO) hisob-kitob qilish uchun qurilma xususiyatlarini ko‘rsatgan holda customs.uz/uz/ sayti orqali ariza berish lozim. Boj to‘langanidan keyin BKO haqidagi ma’lumot UzIMEI tizimiga uzatiladi, va siz ro‘yxatdan o‘tkazishni yakunlashingiz mumkin.
Arizalarni ko‘rib chiqish muddatlari:
• Standart muddat – 3 kun. Ammo talab yuqoriligi tufayli ayni damda arizalarni ko‘rib chiqish 5 kungacha vaqt olishi mumkin (10 000 tagacha so‘rov).
Jarayon yaxshilanishi kutilmoqda. Barcha savollar bo‘yicha 1108 raqami orqali Bojxona qo‘mitasining Mijozlarga xizmat ko‘rsatish markaziga murojaat qiling.
IMEI – 15 raqamdan iborat bo‘lgan va GSMA tomonidan ajratiladigan, shuningdek, tarmoqda GSM/UMTS/LTE standartidagi mobil aloqa operatorida identifikatsiya bo‘ladigan mobil qurilmaning seriya raqami.
IMEI-kod SIM-kartalar ishlashini ta’minlovchi barcha mobil qurilmalarda mavjud bo‘lib, SIM-kartaning har bir slotiga alohida beriladi. Agar mobil qurilmada ikki yoki undan ko‘p SIM-karta slotlari mavjud bo‘lsa, ushbu mobil qurilma ikki yoki undan ortiq IMEI-kodlarga ham ega bo‘ladi.
IMEI-kod qurilmaning klaviaturasida *#06# buyrug‘ini terish orqali bilib olish mumkin. Bundan tashqari, ushbu kod qurilmaning qutisida, kafolat talonida va ayrim qurilmalarning batareykasi ostida yozilgan bo‘ladi.
Shuni e’tiborga olishingizni so‘raymizki, O‘zbekiston Respublikasi Vazirlar Mahkamasining 2019-yil 17-sentabrda qabul qilingan «O‘zbekiston Respublikasi hududida foydalanilayotgan, sotish yoki shaxsiy foydalanish uchun olib kiriladigan va ishlab chiqariladigan mobil qurilmalarni ro‘yxatga olish tartibi to‘g‘risidagi nizomni tasdiqlash haqida»gi 778-sonli Qarori asosida GSM standartidagi mobil qurilmalarning IMEI-kodlarini ro‘yxatga olish tizimini joriy etish tartibi ishlab chiqilgan.
2019-yil 1-apreldan mobil qurilmalarni avtomatik ro‘yxatga olish amalga oshirilmoqda. Mobil qurilmaning har bir SIM-karta slotini faollashtirish kerak
2019-yil 1-noyabrdan 2019-yil 1-dekabrgacha mustaqil tarzda ro‘yxatdan o‘tkazish amalga oshiriladi (bepul asosda)
Joriy yilning 1-dekabridan mustaqil tarzda ro‘yxatdan o‘tkazish boshlanadi (pulli asosda)
1-dekabrdan e’tiboran, ilk tarmoq hodisasi paytidan boshlab (30 kalendar kuni davomida) to‘lov hajmi BHMning (Bazaviy hisoblash miqdorining) 20% ini tashkil etadi.
Mobil qurilma yordamida uyali aloqa operatori tarmog‘idagi birinchi tarmoq hodisasi amalga oshirilganidan keyingi 30 kalendar kuni davomida.
Mobil qurilmaning holatini tekshirishni quyidagi yo‘llar bilan amalga oshirish mumkin:
1. UZIMEI yagona ma’lumotlar bazasi rasmiy veb-saytida— uzimei.uz
2. 1170 raqamiga SMS xabar yuborish orqali;
3. USSD-so‘rov orqali: *1170#.
Mobil qurilma ikki yoki uchta IMEI-kodiga ega bo‘lgan holatda, ushbu qurilma ikki yoki undan ortiq SIM-karta yordamida bir vaqtning o‘zida ikki uyali aloqa operatori tomonidan xizmat ko‘rsatish mumkin bo‘lganini anglatadi.
1. Tizim operatori saytida (uzimei.uz);
2. SMS va USSD-so‘rovlar orqali (*1170#);
3. O‘zbekiston Respublikasi Yagona interaktiv davlat xizmatlari portalida (ЕПИГУ: www.my.gov.uz)
4. UZIMEI tizimi operatorida;
5. Pochta aloqa bo‘limlarida mobil qurilmalar IMEI-kodini ro‘yxatdan o‘tkazish mumkin.
6. Jismoniy shaxs, O'zbekiston Respublikasi rezident va norezidentlari bo'lgan Ucell abonentlari, Ucell Kompaniya ofislarida. Agar ariza beruvchi Ucell abonenti bo'lmasa, ariza beruvchiga Ucell tarmog'ida yangi raqamga ulanish taklif etiladi, agar ariza beruvchi yangi raqamni ulashni istamagan taqdirda, ariza beruvchiga IMEI-ni UZIMEI tizimi operatoridan ro'yxatdan o'tkazish tavsiya etiladi.
SIM-karta almashinishidan qat’i nazar, IMEI-kodlar bir marotaba ro‘yxatdan o‘tkaziladi.
Jismoniy shaxs, UZIMEI tizimi operatori yoki pochta aloqasi shoxobchalariga shaxsan tashrif buyurib, pochta identifikatori shtrix-kodi va kalendar shtempeli ko’rsatilgan konvert taqdim etilgan taqdirda ro’yxatdan o’tkazishi mumkin
Mobil qurilmalarni IMEI-kodini/kodlarini ro‘yxatdan o‘tkazish uchun jismoniy shaxs quyidagi xujjatlarni taqdim etishi kerak:
• O‘zbekiston Respublikasi hududiga olib kirilgan mobil qurilmalarning markasi, modeli, soni va IMEI-kodlari ko‘rsatilgan anketa;
• O‘zi kelib murojaat etganda – fuqarolik pasporti/O‘zbekiston Respublikasi ID-kartasining nusxaci;
• SMS orqali – abonent ro‘yxatdan o‘tkaziladigan mobil qurilmaning IMEI-kodi va ariza beruvchining JSh ShIR kiritilgan SMS-xabarni maxsus raqamga yuboradi yoki USSD-so‘rovni amalga oshiradi;
• Tizim operatorining saytida – abonent ro‘yxatdan o‘tkaziladigan mobil qurilmaning IMEI-kodi, ariza beruvchining JSh ShIR va telefon raqamini ko‘rsatiladi.
Mobil qurilmalarni sotib olish bo‘yicha tavsiyalar.
Tushunmovchiliklarning oldini olish uchun mobil qurilma xarid qilishdan avval uning IMEI-kodi/kodlari holatini UZIMEI veb-saytida (uzimei.uz) yoki *1170#IMEI_15_raqam# USSD-so‘rovi orqali tekshirib oling.
Ha, mumkin. Ushbu masala ichki ishlar idoralari tomonidan amalga oshiriladi. O‘g‘irlangan yoki yo‘qolgan mobil qurilmani topish uchun uning ishlab chiqaruvchisi, modeli va IMEI-kodi ko‘rsatilgan ariza, shuningdek abonentning shaxsini tasdiqlovchi hujjatlarini taqdim qilgan holda IIBga murojaat qilish zarur.
Mobil qurilmani xorijda xarid qilgan hollarda, uning IMEI-kodini *#06# USSD-so‘rovi orqali aniqlash va keyin uni quyidagi yo‘llardan biri yordamida ro‘yxatdan o‘tkazish zarur:
1. SMS va USSD-so‘rovlar orqali (*1170#);
2. Tizim operatori saytida (uzimei.uz);
3. O‘zbekiston Respublikasi Yagona interaktiv davlat xizmatlari portalida (www.my.gov.uz)
4. UZIMEI tizimi operatorida;
5. Pochta aloqa bo‘limlarida.
Avval ishlatilgan mobil qurilma sotib olingan hollarda, siz mobil qurilmaning holatini quyidagi yo‘llar bilan tekshirishingiz lozim:
1. 1170 raqamiga SMS-xabar yuborish orqali;
2. USSD-so‘rov orqali: *1170#.
3. UZIMEI yagona ma’lumotlar bazasi rasmiy veb-saytida—uzimei.uz;
IMEI bo‘yicha ro‘yxatga olish qurilmani egasining nomiga biriktirishni ko‘zda tutmaydi, ya’ni, IMEI-kodi ro‘yxatga olinganidan keyin mobil qurilma O‘zbekiston Respublikasining barcha uyali aloqa operatorlarida ishlayveradi. Qurilma xarid qilayotganda, uning IMEI-kodi holatini tekshirish kerak. Bu yangi smartfonlarga ham, avval ishlatilganlariga ham tegishli. Agarda IMEI-kodi bo‘lmasa, bu – «kul rang» smartfon va uni sotib olish tavsiya etilmaydi, chunki undan foydalanish imkoni bo‘lmaydi. Bunday holatlarda telefonni mustaqil tarzda ro‘yxatdan o‘tkazib bo‘lmaydi, chunki buni import qiluvchi yoki ishlab chiqaruvchi qilgan bo‘lishi kerak edi.
Ro‘yxatga olish muddati tugashi bilan mobil qurilma qora ro‘yxatga kiritiladi va bloklanadi. Qora ro‘yxatdan chiqarish uchun to‘lov hajmi BHMning 25 foiziga teng
Bunday holatlarda Uzimei saytiga kirish yoki 1170 raqami orqali call-markazga murojaat etishni tavsiya qilamiz. Shuningdek, bosh ofisga ham tashrif buyurishingiz mumkin – Olmazor tumani, Sebzor dahasi, 18-A.
Ucell mobil ilovasida IMEI-ni ro'yxatdan o'tkazish uchun to'lov qilish imkoni mavjud. To'lov bo'limidagi "Moliya" yorlig'ida "qidiruv" tugmasi orqali UZIMEI xizmatini tanlab, kerakli ma'lumotlarni kiritib va ariza uchun to'lov qiling. Shuningdek, to'lovni Uzimei veb-saytida ko'rsatilgan boshqa to'lov usullari bilan ham amalga oshirish mumkin.
“Maslahat” xizmati doirasida qurilmangizning IMEI-kodini UzIMEI tizimida ro‘yxatdan o‘tkazish imkoniyati mavjud.
Batafsil ma’lumot: Maslahat
