Kompaniya yangiliklari
Matbuot xizmati
Ucell texnik qayta jihozlashga sarmoya kiritmoqda
17AVG2022

Ucell texnik qayta jihozlashga sarmoya kiritmoqda




2022-yilning birinchi yarmida COSCOM MChJ (Ucell savdo belgisi) O‘zbekistonda telekommunikatsiya sohasini rivojlantirishga 50 million dollardan ziyot sarmoya kiritdi.

To‘g‘ridan-to‘g‘ri investisiyalarning asosiy yo‘nalishi butun mamlakat bo‘ylab yuqori sifatli aloqa va baland tezlikdagi internet bilan ta’minlashdan iborat.
 
O‘tgan yilning kuzidan boshlab Ucell butun O‘zbekiston bo‘ylab yangi tayanch stansiyalarini bosqichma-bosqich qurish va mavjudlarini modernizatsiya qilish dasturini Qoraqalpog‘istonning eng olis nuqtasidan Surxondaryoning tog‘li qishloqlarigacha amalga oshirmoqda.

O‘tgan yili bir necha yuz stansiya qurilib, modernizatsiya qilingani tufayli ko‘plab hududlarda uyali aloqa sezilarli darajada yaxshilandi. Bir qator qishloqlarda internet birinchi marta paydo bo'ldi. 2022 yil uchun rejalar undan ham yuqoriroq.


 
“2022-yilning yetti oyida 247 ta yangi obyekt foydalanishga tayyorlandi. Yil oxirigacha butun mamlakat boʻylab bir necha yuzta yangi obyektlarda montaj ishlarini yakunlash niyatidamiz.

Shuningdek, yil boshidan buyon 485 ta baza stansiyalari modernizatsiya qilindi. Yil oxirigacha, yanvar oyida va’da qilganimizdek, 800 dan ortiq tayanch stansiyalari modernizatsiya qilinadi”, — dedi Ucell bosh direktori Andrey Shishkovskiy.
 
Kompaniyada tarmoqning barqaror ishlashi uchun asos bo‘lgan aloqa vositalarining energiya xavfsizligini ta’minlashga alohida e’tibor qaratilmoqda. Yil boshidan buyon 328 ta tayanch va kommutatsiya stansiyalarida akkumulyatorlar almashtirildi. Jami 3472 dona yangi akkumulyatorlar o‘rnatilib, bu ishlar davom ettirilmoqda.
 
Tarmoqlardan foydalanish xizmati mutaxassislari infratuzilma va aloqa vositalarini o‘z vaqtida ta’mirlash, nosoz qismlarni aniqlash va almashtirish bo‘yicha 24/365 kun ish olib boradi. Tayanch stansiyalari va kommutatsiya markazlarining elektr ta'minoti tizimlari muntazam ravishda tekshiriladi va sinovdan o'tkaziladi. Dizel generatorlari va konditsionerlarga xizmat ko'rsatiladi va ular ta'mirlanadi. Antenna-machta qurulmalarining tekisligi va kabellarning kuchlanishi ta'minlanadi.

 

Internet foydalanuvchilari uchun foydali ma’lumot: Ucell 4G tarmog‘i sezilarli darajada kengaydi va bugungi kunda yirik shahar va aholi punktlari hududining 85,2 foizini qamrab oladi. Taqqoslash uchun: 2018 yilning dekabrida O‘zbekistonda 4G qamrovi atigi 9,1 foizni tashkil qilgan. Ucell 4G tarmog‘ining qamrov doirasi har oy kengayishda davom etmoqda.
 
Ucell beshinchi avlod uyali aloqalarini joriy etish bo‘yicha birinchilar qatorida bo‘lgan va shunday bo‘lib qoladi: Toshkentning markaziy qismlarida Nokia va Huawei uskunalari asosida 5G ni o‘rnatish ishlari olib borilmoqda. Samarqandda ZTE uskunalarida 5G ni joriy qilish yakunlandi: hozirda 5G xalqaro aeroportda, “Silk Road Samarkand” sayyohlik markazida va shaharning markaziy tumanlarida ishlamoqda.
 
Yil boshida O‘zbekiston Respublikasi Prezidentining qarori bilan uyali aloqa operatorlari uchun biznes yuritish shartlari sezilarli darajada yaxshilandi. Qabul qilinishi uchun Axborot texnologiyalari va kommunikatsiyalarini rivojlantirish vazirligi tomonidan keng ko‘lamli ishlar amalga oshirilgan mazkur hujjat telekommunikatsiya korxonalarining infratuzilmani kengaytirish borasidagi faoliyatini qo‘llab-quvvatlashni nazarda tutadi. Jumladan, aloqa operatorlari tomonidan hamda mamlakatimizda aloqa infratuzilmasini rivojlantirish maqsadida olib kirilayotgan asbob-uskunalar, dasturiy taʼminot, materiallar va ehtiyot qismlar bojxona toʻlovlaridan ozod qilindi.

Buning sharofati bilan UceIl kompaniyasi mamlakatimizning barcha hududlarida yangi tayanch stansiyalarini qurish va mavjudlarini modernizatsiya qilish bo‘yicha uzoq muddatli dasturni yanada jadalroq amalga oshirmoqda.



Ish sur'ati Ucell kompaniyasining xalqaro standartlarga muvofiq telekommunikatsiya infratuzilmasini tubdan texnik qayta jihozlash va shakllantirish bo'yicha investitsiya rejalari to'liq amalga oshirilishidan dalolat beradi.
 
 

 

Yangiliklar

Kompaniya hayotidan olingan voqea va hodisalar

Karyera

Katta oilaning bir qismi bo'ling!

Ofislarimiz va dilerlarimiz manzillari

Ucellning barcha ofislari Sizning xizmatingizda!

Firibgarlikning oldini olish va Speak-up tarmog‘i

Sifatli aloqa va raqamingiz xavfsizligi!

Biz bilan bog'lanish

Ucell bilan bog'lanish

Ushbu saxifada sizga ko'rsatilayotgan xizmatlar sifati borasida o'z fikr va muloxazalaringizni bildirish, hamda sizni qiziqtirayotgan savollarga javob olishingiz mumkin.

Ko'p so'raladigan savollarga javoblarni www.ucell.uz, saytida va «FAQ» bo'limida ham topishingiz mumkin.


Sizlardan Kompaniyaga murojaat etganingizda muloqotda axloq me’yorlariga amal qilishingizni so‘raymiz. Aks holda Kompaniya bunday murojaatlarni ko‘rib chiqmaslik huquqiga ega bo‘ladi.

Xabar qoldiring:

* bilan belgilangan joylar to’ldirilishi shart
Parolni olish uchun kiritilgan telefon raqamidan *233# raqamiga qo’ng’iroq qiling va ushbu yerga kiriting
Xabar uzunligi - 512 simvol.

Diqqat!

  • O'zbekiston Respublikasi qonunchiligiga binoan, zarur bo'lgan vaqtda, xizmat ko'rsatish, aloqa qamrovi va qo'shimcha xizmatlarga tegishli bo'lgan murojaatlarni ko'rib chiqish vaqti 30 kalendar kunigacha yetishi mumkin;
  • “Ucell bilan bog'lanish” formasi yordamida bir kun ichida maksimal murojaat etishlar soni 5 tagacha cheklagan;
  • “Ucell bilan bog'lanish” formasidan barcha Internet foydalanuvchilari foydalanishlari mumkin.